Оливковай арыы сыаната Португалияҕа 69%, Грецияҕа 67%, Испанияҕа 63% ыараата. Былырыын кураан дьыл туран, Средиземнэй муора кытылыгар оливка үүнүүтэ мөлтөҕүттэн сылтаан, арыы сыаната эмискэ үрдээбитэ.
Греция аан дойдуну оливковай арыынан хааччыйан олорор, сылга 300 тыһ. туоннаны оҥорон атыыга таһаарар. Арассыыйаҕа оливкаттан оҥоһуллар арыы сыаната өссө былырыын күһүн ыараабыта.
Оливка арыытыгар киһи организмыгар туһалаах Омега-3, Омега-6, ону таһынан, Е, А, Д, К битэмииннэр бааллар. Онон бу арыы холестерины түһэрэр, сүрэх-тымыр, искэн ыарыыларын сэрэтэр, кыралаан иһэ сырыттахха, тириини, баттаҕы, тыҥыраҕы тупсарар. Оливковай арыыны үксүн салаакка тутталлар.
Хаартыска: https://seminar-beauty.ru/podborki/chem-polezno-olivkovoe-maslo-dlya-volos-i-lica-83-foto.html
- 0
- 0
- 0
- 0
- 0
- 0