Ол курдук Вашингтон, алмаас хонтуруолун кытаатыннар сыаллаах Сэттэлэр бөлөхтөрүн ( G7) мунньахтарыгар кыттыбаппын диэн аккаастанна. Америка чунуобунньуга бэлиэтииринэн, Индия, Араб холбоһуктаах Эмираттара уонна Африка сорох судаарыстыбалара G7 дьайыыларыттан долгуйалларын аһаҕастык биллэрбиттэр, ону тэҥэ алмаас биисинэһин бэрэстээбитэллэрэ хааччахтааһыны сөбүлээбэттэрин эмиэ сэрэппиттэр. «Арассыыйаҕа ночооту оҥоруу уонна бэйэбит кыахпытын хааччыйыы икки ардыгар сөптөөх тэҥнэбили булууга дьулуһабыт», -диэн АХШ-ра билинэллэр.
Арассыыйаҕа хостоммут уонна таҥастаммыт алмаас импортыгар хааччахтааһыны 2024 сыл тохсунньутугар G7 дойдулара биллэрбиттэрэ. Кулун тутар ыйтан, аны атын дойдуларга таҥастаммыт арассыыйа алмаастарыгар хааччахтааһын туруоруллубута уонна салгыы, таҥастамматах алмааһы бэрэбиэркэлээһиҥҥэ, сертифкациялааһыҥҥа эрэллээх мэхэниисими бу сыл балаҕан ыйыгар диэри оҥоруохпут диэн былааннаммыттара.
Бу иннинэ Индия АДДьМ миниистирэ Субраманьям Джайшанкар кулун тутар ыйга ЕС уонна G7 дойдулара киллэрбит хааччахтааһыннара Индия бырамыысаланнаһыгар улахан хоромньуну оҥорор уонна бу дойдуларга бэйэлэригэр туох да куһаҕанынан дьайбат, кинилэр туһанаааччылар эрэ, нэһилиэнньэлэрэ дьарыктаах буолууларыгар туох да сибээһэ суох диэн тоһоҕолоон бэлиэтээбит.
-
1
-
0
-
0
-
1
-
0
-
0
