2022 с. Аартыкаҕа сөмөлүөт түһэр былаһааккаларын өрөмүөннүүргэ дойду бырабыыталыстыбата испииһэк оҥорбута. Саха Сириттэн 68 былаһаакка киирбитэ, ол эрэн федеральнай киин үбүлээһин боппуруоһун быһаара илик. Аҕыс былаһаакканы өрөмүөннүүргэ 2024 с. өрөспүүбүлүкэ бүддьүөтүттэн 20 мөл. солк. көрүллүбүтэ, быйыл ити сыалга үп-харчы көстүбэтэ.
Анатолий Потапов олохтоох авиация кыһалҕатын быһаарарга, флоту саҥардарга, өрөмүөннүүргэ сыл ахсын бүддьүөккэ сайаапка киллэрэллэр эрээри, ол өйөммөккө, ситэ үбүлэммэккэ хааларын туһунан эттэ.
2025 с. олохтоох риэйсэлэргэ сөмөлүөт билиэтин субсидиялыырга 276,6 мөл. солк. көрүллүбүт, оттон дьон наадыйыытын хааччыйарга 1,3 млрд. ирдэнэр. Быйыл 191 мөл. солк. субсидия "Якутия" авиахампаанньаҕа бэриллибитэ этилиннэ.
"Полярные авиалинии" пресс-сулууспатын хаартыската.
-
0
-
0
-
0
-
0
-
0
-
0
