2025 с. тохсунньу 1 күнүттэн үрүҥ көмүстэн ювелирнай киэргэли оҥорор уус дьон патентнай нолуокка көстүлэр. Патентнай нолуокка маннык хайысхалар киирдилэр: үрүҥ көмүстэн, күндү таастан ювелирнай оҥоһуктары, мэтээллэри, нэһилиэнньэ тус сакааһынан үрүҥ көмүстэн киэргэллэри оҥоруу.
Өрөспүүбүлүкэҕэ үрүҥ көмүс киэргэллэри оҥорор 31 нолуогу төлөөччү баара бэлиэтэммит, ол иһигэр 29 биирдэм урбаанньыт, 2 тэрилтэ. 2024 с. кинилэр 10 мөл. солк. суумалаах нолуогу төлөөбүттэр. Патентнай ньыманан төлөнөр нолуокка 29 урбаанньыт көһүөхтэрин сөп.
Патентнай ньыманан төлөнөр нолуок ыстаапката дохуоттан 6% тутуллар. Бу үлэнэн дьарыктанар 1-кы бөлөххө хабыллар урбаанньыттарга Дьокуускай, Мииринэй, Нерюнгри, Алдан, Ленскэй киирэллэр, бу салааҕа сабаҕалаан көрөр дохуот 3,2 мөл. солк., патент сыаната 190 000 солк.
2-с бөлөххө Айхал, Удачнай, Бүлүү, Өлүөхүмэ киирэллэр, кинилэргэ патент сыаната 173 000 солк. 3-үс бөлөххө Ньурба, Сунтаар, Чульман, Жатай, Чурапчы, Покровскай,Томмот киирэллэр, кинилэргэ патент сыаната 154 000 солк. 4-с бөлөххө патент сыаната 134 000 солк. 5-с бөлөххө Аартыка улуустарыгар 96 000 солк.
Патентнай нолуокка көһүү тэрилтэлэр сабыллан, ахсааннара аҕыйааһынын бытаардыан сөп диэн эрэнэллэр. Ил Дархан ыйааҕынан 2030 с. диэри сылга 50-ча кырыылыыр тэрилтэ аһыллыахтаах этэ.
Хаартыска Мария Васильева, СИА.
-
0
-
0
-
0
-
0
-
0
-
0
