Ол гынан баран, Өлүөнэ өрүскэ муус хойуутук устарынан сибээстээн, паром сырыытын көһөрдүлэр. «Саха Сирин паромнара» тэрилтэ салайааччыта Николай Ефимов бүгүн, ыам ыйын 19 күнүгэр ол туһунан СИА-ҕа иһитиннэрдэ.
«Өрүскэ билигин да муус устар. Өрүс муустан толору ыраастаннаҕына биирдэ биһиги үлэлиир кыахтанабыт. Ол иһин паром сырыытын болдьоҕо нэдиэлэ саҕаланыытыттан нэдиэлэ бүтэһигэр диэри көһөрүлүннэ. Барыллаан ыам ыйын 23-25 күннэригэр айан-сырыы саҕаланыан сөп. Билиҥҥи кэмҥэ причаллары бэлэмнээһин үлэтэ барар. Сарсын ыарахан тиэхиньикэ үлэлиэҕэ, шлагбаумнары, светофордары туруоруохтара», — диэн Николай Ефимов эттэ.
Кини этэринэн, бэнидиэнньиккэ, ыам ыйын 19 күнүгэр, сэттэ парому бэлэмнээбиттэр. Навигация саҕаланыар диэри суудуна ахсаана эбиллиэхтээҕэ бэлиэтэнэр.
Хаартыска Сахагов.ру
-
2
-
0
-
0
-
0
-
0
-
0
