Дойду Аҕа баһылыга Владимир Путин өссө 2013 с. Уһук Илини сайыннарыы национальнай сорук буоларын туһунан иһитиннэрбитэ. Уонтан тахса сыл иһигэр эрэгийиэни сайыннарарга күргүөмнээх үлэ ыытылынна, элбэх дьиэ-уот, социальнай эбийиэктэр тутулуннулар, суол-иис оҥоһулунна, 35 диэри саастаах эдэр ыалларга, учууталларга, быраастарга, Анал байыаннай дьайыы кыттыылаахтарыгар 2% ипэтиэкэ бэриллэн, элбэх киһи дьиэлэннэ. Ону таһынан, инвестиционнай бырайыактар олоххо киирэн, бырамыысыланнас, айти-технология, креативнай экэниэмикэ күүскэ сайынна.
Пуорум быыстапкатыгар эрэгийиэн экэнэмиичэскэй кыаҕын, култуурунай нэһилиэстибэтин, инновационнай сайдыытын киэҥ эйгэҕэ таһаардылар. Урукку өттүгэр дьон уоппускатыгар үксэ Краснодарскай кыраайга, Крымҥа, дойду киин куораттарыгар бара сатыыр этэ, оттон билигин Уһук Илини билиэн-көрүөн баҕалаах элбээтэ, туризм сайдарыгар саҥа олук уурулунна.
Сахабыт Сирин экспозицията 1078 км. м. иэннээх сиргэ үс хайысханан үлэлээтэ, сүрүн павильон таһынан, «Саха Сиригэр оҥоһуллубута» атыы-эргиэн былаһаакката үгүс дьону түмэ тарта, оттон дьыалабыай уонна култуурунай тэрээһиннэр туһунан сыанаҕа ыытылыннылар.
Айылҕа баайын туһаҕа таһаарарга, тырааныспар, энергетика эбийиэктэрин, туризмы, креативнай экэниэмикэни сайыннарарга өрөспүүбүлүкэ 51 инвестиционнай бырайыагы бэлэмнээтэ.
«Саха Сиригэр оҥоһуллубута» атыы-эргиэн былаһааккатыгар ыалдьыттар ювелирнай киэргэллэри, дизайнерскай таҥаһы, сувенирдары сэргээн көрдүлэр.
СӨ Ил Дарханын уонна Бырабыыталыстыбатын пресс-сулууспатын хаартыската.
-
0
-
0
-
0
-
0
-
0
-
0
