Бу бырайыак чэрчитинэн Үөһээ Бүлүү улууһун 10 нэһилиэгэ «Орто Бүлүүтээҕи ГКМ-Мастаах-Бэргэ-Дьокуускай» гаас ситимигэр холбонуохтара.
Гаас ситимин тутуу 2025-2026 сс. саҕаланыаҕа, сөбүлэһии быһыытынан, бырайыагы үбүлүүргэ 10,3 млрд. солк. кээмэйдээх үп-харчы Уһук Илиҥҥи концессия нөҥүө кэлиэҕэ.
Социальнай гаастааһын бырагырааматын олоххо киллэриигэ Саха Сирэ Уһук Илин инники күөҥҥэ сылдьар, дойду үрдүнэн ТОП-10 киирэр. 2021 с. бэттэх өрөспүүбүлүкэҕэ 9,2 тыһыынча дьиэ кэргэн дьиэлэрин гааһынан сылытар кыахтаннылар. Быйыл кинилэр ахсааннара 10 000 тиийиэхтээх.
Бырамыысыланнай эбийиэктэри тутарга, инфраструктурнай бырайыактары олоххо киллэрэргэ Илиҥҥи экэнэмиичэскэй пуорумҥа өрөспүүбүлүкэ уопсайа 100 млрд. солк. тахса суумалаах сөбүлэһиини түһэристэ. Уонча сыл иһигэр пуорумҥа Саха Сирэ 1 трлн. солк. тахса суумалаах 225 тахса сөбүлэһиини түһэрсибитэ. Ол түмүгэр 9000 тахса үлэ миэстэтэ тэрилиннэ. Ол туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Хаартыска: СӨ Ил Дарханын уонна Бырабыыталыстыбатын пресс-сулууспата.
-
0
-
0
-
0
-
0
-
0
-
0
