Алена Атласова хомунаалынай өҥөнү төлүүргэ нэһилиэнньэ сорох араҥата чэпчэтиинэн туһанарын санатта, холобур, элбэх оҕолоох ыалларга 30%, АБДь кыттыылааҕын дьиэ кэргэттэригэр 50% субсидия көрүллэр эрээри, бу хайысханан сыл бүтүүтэ 76 мөл. солк. дэписиит үөскээбит. Счетнай балаата тарыып салгыы үрдээһинэ биэнсийэлээх дьоҥҥо ыараханын, дьиэ кэргэн ахсаана улаатарыгар эмиэ охсорун туһунан ырытыы оҥорбут. Норуот дьокутаата бу хайысханан үбүлээһин хайдах быһаарылларын ыйыталаста.
Дмитрий Садовников бүддьүөт дэписииттээх буолан, үп-харчы кырыымчыгын этэн туран, кэлэр сыл бүддьүөтүгэр маны учуоттуур наадалааҕын бэлиэтээтэ. Элбэх оҕолоох ыалларга аадырыстаах субсидияны төлүүргэ 1 млрд. солк. ирдэнэр, онон 2025 с. түмүгүн үөрэтэн баран үбүлээһин көрүлүннэҕинэ, хос ааҕыы (перерасчет) оҥоһуллуоҕа диэн эппиэттээтэ кини.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
