Бу күн ону тэҥэ урукку үгэһинэн пароходство генеральнай дириэктэрэ, Ил Түмэн дьокутаата Сергей Ларионов, пароходство салалтата, бэтэрээннэрэ уонна флагман тэрилтэ бастыҥ үлэһиттэрэ түмсэн навигация түмүктэрин билистилэр, бастыҥнарга наҕараадалары туттардылар. СӨ Бырабыытыластыбатын аатыттан СӨ гражданскай көмүскэбил дьыалатыгар уонн нэһилиэнньэ олоҕор-дьаһаҕар куттал суох буолуутун хааччыйыыга миниистирин солбуйааччы Никита Павлов кыттан, пароходство өрөспүүбүлүкэ улуустарыгар, ордук чуолаан Аартыкаҕа уонна хотугу сиргэ таһаҕаһы таһыыга улахан тэрээһиннээх үлэни ыытан быйылгы сыл былаанын толорбутун иһин бары үлэһиттэргэ дириҥ махталын биллэрдэ.
ххх
2025 сыллааҕы навигация устатыгар пароходство үрдүнэн уопсайа 1 мөл 902 тыһ туонна норуот хаһаайыстыбатын таһаҕаһа таһылынна. Ол иһигэр 328 тыһ т убаҕас уонна 902 тыһ т кытаанах таһаҕас тиэлиннэ. Онон тэрилтэ Сэбиэтинэн ылыныллыбыт былаан 100 % туолла.
Уопсайа таһаҕаһы таһыыга тырааныспар флотун 165 суудуната, устар тэрилэ туһанылынна, ол иһигэр 73 кытаанах таһаҕаһы таһар, 50 убаҕаһы таһар суудуна, 24 буксир, 18 плав кыраан. Быйылгы сылга пассажирдары уонна туристары тиэйии үлэтин туспа отчуоттааһын көрүҥүнэн ыытылынна. Ол курдук “Ленатурфлот” брендынан 53 эриэйсэ оҥоһулунна, өҥө бу көрүҥүнэн 8 тыһ 756 турист уонна 20 тыһ пассажир туһанна. Ордук улахан интэриэһи “Дьокуускай-Сиинэ-Дьокуускай” маршрут ылбыта бэлиэтэннэ.
Хаартыскалар ЛОРП саайтыттан
-
2
-
0
-
0
-
0
-
0
-
0
