Креативнай экэниэмикэни иилиир-саҕалыыр кииҥҥэ Арассыыйа 70 эрэгийиэниттэн, ону таһынан Кытайтан, Ииндийэттэн, Казахстаантан уонна Узбекистантан 2500 тыһыынча кыттааччы ыкса үлэлэһэллэр, уопуттарыттан үллэстэллэр, билсиһии ыыталлар. Кинилэр IT индустрияны сайыннарарга туох көмө оҥоһулларын туһунан кэпсэтиилэри ыытллар. Пуорум Уһук Илиҥҥэ сыыппара технологиятын эйгэтигэр биир бэлиэ тэрээһининэн буоларын бэлиэтиэххэ сөп. Пуоруму РФ Сыыппараҕа министиэристибэтэ уонна СӨ Бырабыыталыстыбата тэрийэн ыыталлар.
Пуорум быйылгы тэрээһинин сүрүн тиэмэтинэн сыыппара трансформациятын бэлиэ хайысхалара буолуохтара. Ол курдук: сибээс сайдыыта уонна телекоммуникационнай инфраструктураны саҥардыы; аныгылыы дата-кииннэри тэрийии; бэйэтэ көтөр систиэмэлэри киллэрии; судаарыстыба биир кэлим сыыппара архитектуратын оҥоруу; көхтөөх эдэр исписэлиистэри өйөөһүн.
Пуорум чэрчитинэн Ленскэй куоратыгар саҥа “Кынат” диэн ИТ -Киини үөрүүлээхтик арыйыы буолла. Бу бырайыак Иркутскайдааҕы ньиэп хампаанньата уонна СӨ Бырабыыталыстыбатын бииргэ үлэлээһиннэрин түмүгүнэн аһылынна. Билигин Саха Сиригэр уопсайа 19 ИТ -Пааркаҕа хас ый аайы тыһыынчанан ыччат саҥа технологиялары арыйар уонна айар-тутар дьоҕурун сайыннарар.
Хаартыска А. Николаев ТГ-ханаалыттан
-
0
-
0
-
0
-
0
-
0
-
0
