Бырагырааманы ылынар туһунан кэпсэтии ааспыт нэдиэлэҕэ буолбута. Онно “Газпром” дириэктэрдэрин Сэбиэтэ уонна өрөспүүбүлүкэбит салалтата кыттыыны ылбыттара.
--“Сибиир күүһэ” гаас баараҕай ситимэ тардыллан, бу кэлэр 5 сылга өрөспүүбүлүкэ нэһилиэнньэлээх 21 пуунун күөх төлөнүнэн хааччыйар кыах үөскээтэ. Бу бырайыакка Саха сирин арҕаа уонна соҕуруу улуустара хапсаллар: Алдан, Ленскэй, Нерюнгри, Өлүөхүмэ оройуоннара. Оччотугар тыһыынчанан киһи олоҕун усулуобуйата тупсуо. Ол буоллаҕа эбээт – социальнай-экэнэмиичэскэй сайдыы ситиһиитэ, ыытыллар сүрүн төрүөтэ. Өрөспүүбүлүкэ салалтатын өттүттэн бу Бырагыраама болдьоҕор толорулларын уонна үлэ хаачыстыбалаахтык оҥоһулларын хонтуруоллуохпут. “Газпром” хампаанньа өрөспүүбүлүкэ бүддьүөтүн улаатыннарыыга, нэһилиэнньэ олоҕун таһымын үрдэтиигэ өйөбүлүн иһин ис сүрэхпиттэн махтанабын, -- диэтэ аҕа баһылыкпыт Айсен Николаев.
"Газпром” бырабылыанньатын бэрэссэдээтэлэ Алексей Миллер:
--Саха сирэ эрэллээх партнербут буолар. Бырагырааманы олоххо киллэрэргэ анаан хампаанньа 9 млрд солкуобайы көрдө. Онон 2025 сылга диэри өрөспүүбүлүкэҕит 40,80 % гаас ситимигэр холбоммут буолуоҕа.
Манна даҕатан эттэххэ, “Газпром” социальнай бырайыагын чэрчитинэн чугастааҕы эргин сылларга өрөспүүбүлүкэҕэ 4 физкультурнай-чэбдигирдэр комплекс тутуллуоҕа, итинтэн үһүн бүтүннүү “Газпром” бэйэтэ уйунар.
-
0
-
0
-
0
-
0
-
0
-
0
