Ол туһунан Үнүбүрсүтүөт уокуругун олохтоохторугар Ил Түмэн бэрэссэдээтэлин солбуйааччы, бүддьүөккэ, үпкэ-харчыга, түһээҥҥэ уонна сыана бэлиитикэтигэр, бас билии, приватизация боппуруостарыгар сис кэмитиэт бэрэссэдээтэлэ Юрий Николаев иһитиннэрдэ.
Хааһынаҕа харчы суох диэн үгүс киһи өрө тыынар эрээри, бүддьүөт дохуотун кээмэйинэн Саха Сирэ Арассыыйаҕа 12 миэстэҕэ турар, онон өрөспүүбүлүкэ дойду үрдүнэн саамай улахан бүддьүөттээх эрэгийиэннэр ахсааннарыгар ТОП-15 эрэллээхтик киирэр. Дохуоппутун сир баайын хостуур бырамыысыланнас хааччыйар.
Былааннаан ааҕыынан, 2027 с. олохтоох бүддьүөт дохуота 342,1 млрд., ороскуота 347,5 млрд., дэписиитэ 5,4 млрд. солк. 2028 с. бүддьүөт дохуота 362,4 млрд., ороскуота 368,4 млрд., дэписиитэ 6,1 млрд. солк.
Аны сайын бэс ыйыгар пленарнай мунньахха бүддьүөккэ уларытыылары ылыныахтара, 2025 с. бүддьүөтү толорууну көрүөхтэрэ.
Андрей Сорокин хаартыскаҕа түһэриитэ.
Ол туһунан сиһилии «Ил Түмэн» хаһыакка ааҕыҥ.
-
0
-
0
-
0
-
0
-
0
-
0
