Урут алмааһы хостуур салаа бүддьүөтү толорор этэ, билигин сааҥсыйа кэмигэр аан дойдуга алмааска, бирилийээҥҥэ наадыйыы түстэ, ол иһин алмаас бырамыысыланнаһа өрөспүүбүлүкэ бүддьүөтүн дохуотун 12% хааччыйар, харчытыгар таһаардахха 29 млрд. солк. киллэрэр.
Көмүһү хостуур хампаанньалар бүддьүөккэ 48 млрд. солк. киллэрэн, дохуоппут 20% хааччыйдылар. Ньиэп-гаас салаата 26 млрд. солк. биэрэн, дохуот 11%, аан дойдуга таас чох сыаната кыра буолан, 5,6 млрд. солк. киллэрэн, олохтоох бүддьүөт дохуотун 2,3% хааччыйар. Ол туһунан СӨ Бырабыыталыстыбатын бэрэссэдээтэлин бастакы солбуйааччыта Дьулустаан Борисов Ил Түмэҥҥэ ыытыллыбыт түөрт сис кэмитиэт кыттыгас мунньаҕар иһитиннэрбитэ.
Кини оробуочай бөлөх тэриллэн, онно инвестордар, бары министиэристибэлэр, норуот дьокутааттара, улуус, уопсастыбаннас бэрэстэбиитэллэрэ киирэн, сытыы боппуруостары дьүүллэһиэхтээхтэрин туһунан бэлиэтээбитэ. Онно экология эрэ буолбакка, каадырынан хааччыллыы, олохтоох бэдирээччиттэри үлэҕэ ылыы барыта быһаарыллыаҕа.
Хаартыска СИА архыыбыттан.
-
0
-
0
-
0
-
0
-
0
-
0
