СӨ ОДьКХ уонна энергетика миниистирэ Вячеслав Емяльянов брифиҥҥэ иһитиннэрбитинэн, СӨ Бырабыыталыстыбата тустаах салаа үбүлээһинин кээмэйэ 1,5 млрд солк улаатта. Үбү-харчыны бу күннэргэ ыытыахтара.
«Үп министиэристибэтиттэн үп-харчы түстэ даҕаны иэстэри барытын ыам ыйын 14 күнүгэр диэри төлүөхпүт», — диэн миниистир бэлиэтээтэ.
Бүгүҥҥү күҥҥэ үлэһиттэр иннилэригэр иэс кээмэйэ 743 мөл солк тэҥнэһэр. Бу суумаҕа кулун тутар иккис аҥара, муус устар бастакы аҥара, ону тэҥэ уоппуска, өрөбүл төлөбүрдэрэ киирэллэр.
Ыам ыйын 8 күнүгэр тэрилтэ бэйэтэ киллэрбит дохуотуттан кулун тутар бастакы аҥарын төлөөбүтэ – 202 мөл солк.
Санатар буоллахха, муус устар 27 күнүгэр Айсен Николаев Быһа биэриитигэр СӨ Бырабыыталыстыбатыгар уонна ОДьКХ министиэристибэтигэр «СӨ ОДьКХ» ГУП үлэһиттэрин хамнастарын боппуруоһун быһаарарга соруйбута. СӨ баһылыга бу кыһалҕа систиэмэлээх быһаарыыны ирдиирин иһин комплекснай былааны толкуйдуурга сорук туруорбута.
Хаартыска: Саха гов.ру
-
0
-
0
-
0
-
0
-
0
-
0
