«Биһиги ИТ-индустрияҕа аан дойду үрдүнэн кэккэ түмүктэри ситистибит. Биһиги хампаанньаларбыт бырайыактара аан дойду таһымыгар таҕыстылар. Үрдүк таһым ситиһиллибитин Fntastic уонна MyTona хампаанньалар бииргэ үлэлээн, The Day Before диэн оонньууну оҥорбуттара туоһулуур. Маннык институттар уонна чааһынай биисинэс сайдыыта өрөспүүбүлүкэҕэ инновация систиэмэтэ сөпкө аттарыллан үлэлии турарын кэрэһилиир. Манна биири өйдүөххэ наада. Креативнай экэниэмикэ Саха сирин бары экэниэмикэтин сайыннарыыга улахан төһүү күүһүнэн буолар. Холобур, MyTona хампаанньа Дьокуускай куоракка элбэх нолуогу төлүүр тэрилтэлэртэн биирдэстэрэ. Итини тэҥэ, геймдевай дэниллэр хампаанньалар 1000 саҥа үлэ миэстэтин таһаардылар. Билиҥҥи туругунан креативнай индустрия хайысхатынан 2,5 тыһ. кэриҥэ биирдиилээн урбаанньыт, тэрилтэ дьарыктаналлар. Манна киинэ индустрията бэрт сэниэлээхтик инники хардыылаата. Дьокуускай куоракка креативнай кластер тэрилиннэҕинэ, ити өттүгэр өссө элбэх үлэни ыытыахпыт», - диэн Анатолий Семенов иһитиннэрдэ. Санатар буоллахха, саҥа кластер 2022 сыл бастакы кыбаарталыгар үлэлиэ.
- 0
- 0
- 0
- 0
- 0
- 0