Издательский дом Редакция Подписка
Погода в Якутске: . -12 oC

Өрөспүүбүлүкэ бэтэрээннэригэр Кыайыы күнүн бырааһынньыгынан көрүллүбүт төлөбүрдэр муус устар 30 күнүгэр диэри толору төлөнүөхтэрэ диэн СӨ Үлэҕэ уонна социальнай сайдыыга министиэристибэтин пресс-сулууспата иһитиннэрэр.

Өрөспүүбүлүкэ бэтэрээннэригэр Кыайыы күнүн бырааһынньыгынан көрүллүбүт төлөбүрдэр муус устар 30 күнүгэр диэри толору төлөнүөхтэрэ диэн СӨ Үлэҕэ уонна социальнай сайдыыга министиэристибэтин пресс-сулууспата иһитиннэрэр.

Бэтэрээннэр араас категорияларынан төлөбүрдэрин кээмэйэ уратылаһар. Улуу Кыайыы 75 сылынан СӨ Ил Дархан Айсен Николаев ыйааҕынан төлөбүрдэр кээмэйдэрэ:

  • Аҕа дойду Улуу сэриитин бэтэрээннэригэр уонна инбэлииттэригэр - 100 тыһ. солк.;
  • сэрии огдооболоругар - 30 тыһ. солк.;
  • “Блокадалаах Ленинград олохтооҕо” бэлиэлээх дьоҥҥо - 30 тыһ. солк,;
  • сэриигэ кыттыбыт кэргэннэрин сүтэрбит огдооболорго - 20 тыһ. солк.;
  • сокуоннай саастарын туолбакка сылдьан фашистар лааҕырдарыгар хаайылла сылдьыбыт дьоҥҥо - 30 тыһ. солк.;
  • тыыл бэтэрээннэригэр -10 тыһ. солк,;
  • сэрии сылларын оҕолоругар - 3 тыһ. солк.

Бу төлөбүрдэр ыам ыйын 1 күнүгэр диэри төлөнүөхтэрэ. Билиҥҥи туругунан 8500 курдук ытык кырдьаҕастар бу төлөбүрдэрин тутан үөрбүттэр. РФ Президенын ыйааҕынан Кыайыы 75 сылын көрсө дойду бэтэрээннэригэр үрдэтиллибит төлөбүр көрүллүбүт. Ол курдук Аҕа дойду сэриитин бэтэрээннэригэр, инбэлииттэригэр, сэрии толоонугар кэргэттэрин сүтэрбит огдооболорго, сокуоннай саастарын туолбакка сылдьан фашистар лааҕырдарыгар хааллыбыт дьоҥҥо 75 тыһ. солк. биэрэллэр. Кыайыыны уһансыбыт тыыл бэтэрээннэригэр, фашистар лааҕырдарыгар сокуоннай саастарын туолан баран түбэспит дьоҥҥо 50 тыһ. солк. бэриллэр.


Саха сиригэр олороллор

Аҕа дойду Улуу сэриитин кыттыылааҕа - 78;

“Блокадалаах Ленинград олохтооҕо” – 28;

Сэрии огдооболоро – 599;

Тыыл бэтэрээннэрэ – 4784;

Сэрии сылын оҕолоро - 14236.


Маны таһынан, сэрии бэтэрээннэрин дьиэлэрин хапытаалынай өрөмүөнүгэр харчынан көмө оҥоһуллар. 2020 сылга бу хайысхаҕа өрөспүүбүлүкэ бүддьүөтүттэн 14,9 мөл. солк. көрүллүбүтэ. Санатар буоллахха, Арктика улуустарыгар көмө кээмэйэ 50 тыһ. солк, атын улуустарга олорор сэрии бэтэрээннэригэр – 30 тыһ. солк. Билиҥҥи туругунан көмө 120 бэтэрээҥҥэ оҥоһуллубута биллэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением