Издательский дом Редакция Подписка
Погода в Якутске: . 8 oC

Атырдьах ыйын 9 күнүгэр Ил Дархан Айсен Николаев Табаһыт күнүн хас сыл ахсын кулун тутар бастакы субуотатыгар бэлиэтиир туһунан «Об учреждении Дня оленевода в Республике Саха (Якутия)» диэн 1368-с №-дээх ыйаахха илии баттаата.  

Атырдьах ыйын 9 күнүгэр Ил Дархан Айсен Николаев Табаһыт күнүн хас сыл ахсын кулун тутар бастакы субуотатыгар бэлиэтиир туһунан «Об учреждении Дня оленевода в Республике Саха (Якутия)» диэн 1368-с №-дээх ыйаахха илии баттаата.  


“Табаны иитии өрөспүүбүлүкэ экэниэмикэтин сайдыытыгар сүҥкэн суолталаах салаа буолар. Бу ыйаах табаһыт үлэтин үрдэтэргэ, эдэр ыччаты тустаах идэҕэ уһуйарга, итиэннэ табаһыттар төрүт дьарыгы тарҕатар, аҕыйах ахсааннаах хотугу норуоттар култуураларын үүнэр көлүөнэҕэ тиэрдэр, үгэс буолбут олохторун уобараһын тэнитэр сүдү оруолларын сыаналыырга туһуланар”, – диэн быһаарар өрөспүүбүлүкэбит аҕа баһылыга.    

Норуот дьокутаата Елена Голомарева: “Таба –төрүт олохтоох хотугу омуктары араҥаччылыыр ытык кыылбыт, төрүт үгэспит, олохпут-дьаһахпыт укулаата, тыыннаах хаалар тыыммыт, куппут-сүрбүт, итэҕэлбит, тирэхпит, сүрүммүт, омук быһыытынан сайдар суолбут. Аны мантан ыла Табаһыт  күнүгэр табаны иитиигэ туох үлэ ыытыллыбытын, төһө төбө кэтэх ыстаадаларга, хас таба судаарыстыба бас билиитигэр баарын ааҕар-суоттуур, отчуоттуур, тугу ситиспиппитин ырытар-анаарар, түмүк таһаарар уонна саҥа соруктары туруорар буолуохпут. Табаһыттар барахсаттар, силлиэни-силбиги билиммэккэ, тымныыттан толлубакка, айылҕа ураты экстремальнай усулуобуйатыгар көһө сылдьан үлэлииллэр. Кинилэри өйөөн, СӨ парламена «Саха Өрөспүүбүлүкэтигэр табаны иитии туһунан», «Саха Өрөспүүбүлүкэтигэр көс ыал туһунан», «Саха Өрөспүүбүлүкэтигэр көс оскуола туһунан», «Саха Өрөспүүбүлүкэтин аҕыйах ахсааннаах, төрүт олохтоох көс омуктарын туһунан», «Саха Өрөспүүбүлүкэтигэр көс ыал дьиэтин-уотун туһунан» сокуоннары таһаарбыта. 2013 сыллаахха Халарча туундаратын табаһыттарын мунньаҕын быһаарыытынан, Бырабыыталыстыбаҕа уонна Ил Түмэҥҥэ табаһыттар хамнастарын үрдэтэргэ туруорсуу оҥоһуллубута. Оччолорго кинилэр 8 000 солк. хамнастаахтара. Билигин хамнас тиийинэн олоруу алын кээмэйигэр тэҥнэстэ, сыл уонна кыбаартал түмүктэринэн тустаах улуус, итиэннэ хаһаайыстыба эбии төлөбүрдэри оҥороллор. Элбэх табалаах, үрдүк көрдөрүүлээх Анаабыр уонна Өлөөн улуустарыгар табаһыт хамнаһа ортотунан 50-60 тыһыынча солкуобайга тиийдэ”, -- диэн үөрүүтүн үллэстэр.

gmx

Манна даҕатан эттэххэ, СӨ Арктика сайдыытыгар уонна хотугу сир дьыалаларыгар министиэристибэтэ «Эдэр табаһыт» бырайыактаах. Бу бырайыак чэрчитинэн 35-гэр диэри саастаах, 4 сылтан итэҕэһэ суох табаһыттаабыт эдэр киһи дьиэтин усулуобуйатын тупсарарыгар 1 мөлүйүөн көмө харчыны ылар бырааптаах. Күн бүгүн 21улуус 48 хаһаайыстыбатыгар 236 эдэр табаһыт үлэлиирэ – бу төрүт дьарык умнуллубат кэскиллээҕин туоһулуур.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением