Хоту үлэлии барар учууталлар СӨ Үөрэххэ уонна наукаҕа министиэристибэтин уонна тустаах оскуоланы кытта дуогабар түһэрсэллэр. Болдьохторун толорон кэлиилэригэр, биир хостоох таас дьиэ сыанатын 50%-нын ол сэртипикээтинэн төлүүр кыахтаналлар.
Аны туран, былырыыҥҥыттан “Аартыка учуутала” бырайыак үлэлээн эрэр. Ол чэрчитинэн, саҥа үлэлии барааччылар айаннарын ороскуотун уйуналлар, таһаҕастарын тиэрдии ночоотун төлүүллэр. Өссө 3 ыйдаах акылааттарын “подъемнай” быһыытынан ылаллар.
Былырыын бу бачыым өҥөтүнэн 95 киһи туһаммыт, быйыл 75 баҕалаах сайаапкатын биэрбит. Ааспыт сылга өссө Аартыка оскуолаларыгар үс бастакы сылларын үлэлии сылдьар 415 учууталга биир кэмнээх харчынан көмөнү оҥорбуттар. Быйыл улуустарынан, сорохторго нэһилиэктэригэр тиийэн, идэлэрин таһымын үрдэтэр куурустары босхо тэрийиэхтэрэ.
-
0
-
0
-
0
-
0
-
0
-
0
