Издательский дом Редакция Подписка
Погода в Якутске: . -12 oC

Үөрэх сыла түмүктэнэрэ чугаһаата. Аны аҕыйах кэминэн оҕолорбут өссө биир кылааһы бүтэрэн - өссө биир үктэли дабайан сайыҥҥы сынньалаҥҥа тарҕаһыахтара. Муома улууһун В.Д.Лебедев аатынан Орто Дойду орто оскуолатыгар алын кылаас сүһүөх учууталынан Алёна Печетова үлэлээбитэ иккис сыла. Алёна Дмитриевна Муомаҕа 2021 сыл күһүнүгэр М.К.Аммосов аатынан Хотугулуу-Илиҥҥи Федеральнай университет тыл институтун бүтэрэн кэлбитэ. Идэтинэн алын сүһүөх кылаас уонна эбэҥки тылын учуутала диэн “Индигир уоттара” хаһыат иһитиннэрэр.

Үөрэх сыла түмүктэнэрэ чугаһаата. Аны аҕыйах кэминэн оҕолорбут өссө биир кылааһы бүтэрэн - өссө биир үктэли дабайан сайыҥҥы сынньалаҥҥа тарҕаһыахтара. Муома улууһун В.Д.Лебедев аатынан Орто Дойду орто оскуолатыгар алын кылаас сүһүөх учууталынан Алёна Печетова үлэлээбитэ иккис сыла. Алёна Дмитриевна Муомаҕа 2021 сыл күһүнүгэр М.К.Аммосов аатынан Хотугулуу-Илиҥҥи Федеральнай университет тыл институтун бүтэрэн кэлбитэ. Идэтинэн алын сүһүөх кылаас уонна эбэҥки тылын учуутала диэн “Индигир уоттара” хаһыат иһитиннэрэр.

Билигин ыччат үксэ үөрэхтэрин бүтэрээт киин сиргэ хаала сатыыр кэмигэр Алёна Муомаҕа хайдах кэлбитин бу курдук кэпсиир:

-ХИФУ-га туттарсар кэммэр Кэбээйи уонна Муома оскуолаларыгар целевой миэстэлэр бааллара. Мин картаҕа Муома диэн сир ханна баарын көрөн баран тоҕо эрэ Муоманы талбытым. Ол кэннэ баҕалаах үөрэхпэр киирэн биэс сылы быһа "Муомаҕа барабын" диэн бэйэбин ол курдук настройкаламмытым. Онтон 2021 сыл күһүнүгэр Муомаҕа сөмөлүөттэн түһээппитин кытта дириэктэрбит Айталина Константиновна бэйэтинэн көрсүбүтэ, дьиэбитин-уоппутун бэлэмнээн тоһуйбуттар этэ. Миигин кытта нуучча тылын учуутала идэлээх дьүөгэм кэлсибитэ. Онон балаҕан ыйын маҥнайгы күнүттэн үлэбитин саҕалаабыппыт.

- Наһаа ыраах, айан-сырыы ыарахан, аҕыйах ахсааннаах үөрэнээччилээх кыра оскуола эҥин диэн кэлбиккитин кэмсиммэтигит?

- Суох, төттөрүтүн, олус сөбүлээн үлэлии-хамсыы сылдьабыт. Мин бэйэм Өлүөхүмэттэн төрүттээхпин. Токо оскуолатын бүтэрбитим. Бэйэм дэриэбинэм эмиэ маннык аҕыйах нэһилиэнньэлээх, кыра оскуолалаах. Онон үөрүйэхпин. Өскөтүн Дьокуускайтан Сайдыыга диэри үс чаас айанныыр эбит буоллахпытына, мин дойдубар уон аҕыс чааһынан айаннаан тиийиллэр... Чыбааҕылаах төһө да кыра буоллар, үлэ-олох күөстүү оргуйан олорор. Үлэбит кэннэ киэһэ спортсаалаҕа мээчиктиибит, теннистиибит. Кулуупка араас тэрээһин бөҕө буолар, онно барытыгар эмиэ көхтөөхтүк кыттан иһэбит - ыллыыбыт, үҥкүүлүүбүт. Сайдыыны олус сөбүлээтибит. Былырыын кэлэрбэр төрдүс кылааһы биэрбиттэрэ, биир үөрэнээччини таһаарбытым. Быйылгы үөрэх дьылыгар маҥнайгы кылааһы ылбытым, кылааспар түөрт үөрэнээччилээхпин. Үөрэх дьылын бүтүүтэ номнуо хоп курдук ааҕар-суруйар дьоһун дьон. Талан ылбыт идэбин олус сөбүлээтим.

- Настаабынньыгыҥ кимий?
- Кэлээппин кытта уопуттаах учуутал Айталина Егоровна Соркомоваҕа сыһыарбыттара. Уһуйааччыбар олус табылынным. Айталина Егоровна барытын ыйан-кэрдэн, көрдөрөн биэрэр. Уруоктарбар сылдьан сүбэлиир. Атын учууталлар уруоктарыгар сылдьан бэйэм эмиэ элбэҕи туһанабын. Быйыл Арассыыйаҕа Учуутал уонна уһуйааччы сыла биллэриллибитэ. Оройуон киинигэр - Хонууга уһуйааччыбын кытта оройуоннааҕы күрэххэ кыттыбыппыт. Уһуйааччыбыттан билигин да үөрэнэрим элбэх.

  • 9

    - Эдэр испэсэлиис быһыытынан хоту дойдуга ордук туох ыараханы көрүстүҥ?

- Айан сыаната олус ыарахан. Биһиги дьон дьиэтигэр олорор буоламмыт пропискабыт кылгас болдьохтоох, ол иһин "арктическай" диэн ааттанар бырайыаһынан сатаан туһаммаппыт. Хоту дойду буолан тымныы. Бастаан чараас таҥастаах кэлэн баран тоҥмутум, онтон этэрбэс, сон ылынан билигин тымныыттан куттаммаппын (күлэр). Онтон атын улахан кыһалҕаны көрсүбэппит. Сылаас дьиэҕэ олоробут, ас-таҥас баар. Интернет оскуолабытыгар баар, үчүгэйдик хабар.

- Иккис идэҥ - эбэҥки тылын үөрэтии. Ити идэҥ үлэҕэр туһалаата дуу?

- Суох. Чыбааҕылаахха эвеннэр олороллор. Эбэҥки уонна эвен тыллара уратылаһаллар.

Эдэр учуутал Алёна Дмитриевнаҕа талан ылбыт идэтигэр ситиһиилэри, ыраах хоту дойду кырачааннарын билиигэ, үрдүккэ уһуйа сырыт диэн баҕа санаабытын тиэрдэбит.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23