Үөрүүлээҕэ диэн, РФ Аартыкатааҕы балаһатыгар олорор аҕыйах ахсааннаах хотугу норуоттар төрүт үгэс хаһаайыстыбаларын сайыннаралларын өйүүр судаарыстыбанный бырагыраамаҕа туспа үп көрүлүннэ – сылга 500 мөлүйүөн харчы!!!
“Бу өйөбүл баар буолбутугар Ил Түмэн быһаччы оруоллаах. Биһиги “РФ Аартыкатыгар урбааны тэнитиигэ судаарыстыбаннай өйөбүл туһунан” диэн сокуон бырайыагын Госдумаҕа оҥорон киллэрэммит, федеральнай сокуоҥҥа аҕыйах ахсааннаах хотугу норуоттарга туһуламмыт анал ыстатыйалар баар буоллулар. Аны туран, Аартыка түөлбэтин Уопсастыбаннай сэбиэтин балаһыанньата бигэргэннэ. Ол сэбиэккэ Саха сириттэн Аҕыйах ахсааннаах хотугу норуоттар ассоциацияларын сэбиэтин бэрэссэдээтэлэ Августа Марфусалова уонна ХИФУ ректорын солбуйааччы Александр Кугаевскай киирдилэр. Иккиһинэн, хотугу төрүт олохтоох норуоттар үгэс буолбут дьарыктарын өйүүр миэрэлэргэ анаммыт 28-с ыстатыйа баар буолла. Онно олоҕуран, бу 500 мөл. солк. харчыны көрдүлэр. Онон Аартыка боппуруоһун өрүү туруорсар кэллиэгэлэрбэр Александр Жирковка, Феодосия Габышеваҕа, РФ сенатордара Александр Акимовка уонна Егор Борисовка, Госдума дьокутаата Галина Данчиковаҕа уонна Ил Дархаммыт Айсен Николаевка улахан махталбын биллэрэбин”,– диэн биир дьоһун ситиһии туһунан кэпсиир Елена Голомаерва.
-
0
-
0
-
0
-
0
-
0
-
0
