Издательский дом Редакция Подписка
Погода в Якутске: . 20 oC

Металлургияҕа туттуллар үрдүк хаачыстыбалаах коксаланар таас чоҕу хостуур, переработкалыыр уонна улахан аҥаарын Кытайга, Японияҕа, Индияҕа онтон да атын чугастааҕы Чуумпу акыйаан эрэгийиэннэригэр таһаарар «Колмар» хампаанньа быйыл муус устар 9 күнүгэр 20 сыллаах үбүлүөйүн бэлиэтиэҕэ. 2003с. «Нерюнгриуголь» ААУо тэриллибитэ, хампаанньа сүүрбэ сыллаах историята ити кэмтэн саҕаламмыта.

Металлургияҕа туттуллар үрдүк хаачыстыбалаах коксаланар таас чоҕу хостуур, переработкалыыр уонна улахан аҥаарын Кытайга, Японияҕа, Индияҕа онтон да атын чугастааҕы Чуумпу акыйаан эрэгийиэннэригэр таһаарар «Колмар» хампаанньа быйыл муус устар 9 күнүгэр 20 сыллаах үбүлүөйүн бэлиэтиэҕэ. 2003с. «Нерюнгриуголь» ААУо тэриллибитэ, хампаанньа сүүрбэ сыллаах историята ити кэмтэн саҕаламмыта.

Күн бүгүн «Колмар» улахан хампаанньаҕа коксаланар таас чоҕу хостуур уонна переработкалыыр бырамыысыланнай тэрилтэлэр, табаары атыыга батарар, логистиканы хааччыйар кииннэр киирэллэр. Таас чоҕу Нерюнгри оройуонугар Денисовскай, Чульмаканскай, Үөһээ Талуминскай сир баайдаах учаастакка хостууллар.

Хампаанньа пресс-сулууспата иһитиннэрбитинэн, 2022 с. 12,4 мөл. туонна таас чох хостонно, 2023с. ити көрдөрүү өссө улаатан, 14,3 мөл. туоннаҕа тиийиэхтээх. 

«Ааспыт сылы кытта тэҥнээн көрдөххө, таас чоҕу хостооһун 38% улаатта. Биһиги 6 мөл. туонна концентраты оҥорон таһаардыбыт уонна бородууксуйабытын Арассыыйа иһигэр баар партнердарбытыгар уонна дойду тас өттүгэр, соҕуруу-илин Азияҕа таһаардыбыт. Былааннаммыт стратегия быһыытынан, кэлэктииппит салгыы сайдар санаалаах», — диэн «Колмар» УК генеральнай дириэктэрэ Антон Уланов тэрилтэ 2022с. түмүктэрин уонна инникигэ былааннарын СӨ Ил Дарханыгар Айсен Николаевка иһитиннэрэригэр эттэ.   

Билигин «Инаглинская-2» фабрика эбийиэктэрин тутуута салҕанар, таас чоҕу тиэйэр тимир суол станциятын тутуутун бастакы уочарата түмүктэннэ. 

«Колмар» хампаанньа «Олохтоох дьону — бырамыысыланнаска» бырайыакка, эрэгийиэн социальнай бэлиитикэтигэр көхтөөхтүк кыттар.  Тэрилтэҕэ 6339 киһи үлэлиириттэн 80% тахсата Саха Сирин олохтооҕо. Үлэһит ахсаана 6777 диэри өссө улаатыахтаах.  

Былырыын аһымал санаа аахсыйатыгар хампаанньа 23 мөл. солк. ыыппыта, 2023с. ити сыалга 86 мөл. солк. уурулунна. Приоритетнай хайысхаҕа доруобуйа харыстабыла, үөрэх, успуорт, нэһилиэнньэ кыаммат араҥатыгар көмө киирэр.

Онон таас чоҕу хостуур бырамыысыланнаска олохтоох дьону үлэҕэ ылыы быйыл эмиэ салҕанан барыа. Үрдүк таһымнаах үлэһиттэри тус сыаллаах хайысханан бэлэмнээн, иитэн-такайан таһаарарга тэрилтэ орто уонна үрдүк үөрэх кыһаларын кытта үлэлэһэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением