Тэрээһиҥҥэ Арассыыйа, Кытай, Индия, Казахстан, о.д.а. дойдулартан 200-тэн тахса экспиэр кыттыаҕа: учуонайдар, экэнэмиистэр, инженердэр, тутааччылар уонна былаас уорганнарын бэрэстэбиитэллэрэ. Ону тэҥэ, «Арассыыйа Бүгүн» дойду икки ардыларыгар информационнай ааҕыныстыба генеральнай дириэктэрэ Дмитрий Киселев кыттыыны ылыаҕа.
Научнай-практическай кэмпириэнсийэ бэбиэскэтин сүрүн чааһа килиимэт уларыйыытын усулуобуйатыгар айылҕа уонна тиэхиниичэскэй криолитозона тиһигэ туруктаах буолуутун научнай-популярнай көрүҥүнэн дьүүллэһиллиэҕэ.
Кэмпириэнсийэ тэрээһиннэрэ дистанционнай көрүҥүнэн эмиэ ыытыллаллара былааннанар. Москубаҕа, Пекиҥҥэ уонна Астанаҕа кыттааччыларга анаан устуудьуйалар тэриллиэхтэрэ, официальнай саайка мунньах уонна сиэссийэ быһа эпиирдэрин көрдөрүөхтэрэ.
Тэрээһин чэрчитинэн икки пленарнай мунньах буолар: «Үйэлээх ирбэт тоҥ уонна килиимэт уларыйыытын боппуруостарыгар глобальнай ыҥырыылар» уонна «Ирбэт тоҥу харыстааһыҥҥа уонна килиимэт уларыйыытын боппуруостарыгар Арассыыйа эрэгийиэннэрин уопуттара».
Тэрийээччилэр: РФ Уһук Илини уонна Аартыканы сайыннарыы министиэристибэтэ, СӨ Бырабыыталыстыбата. Арассыыйа бэрэссэдээтэлистибэтин Аартыка Сэбиэтин тэрээһиннэрин оператора - Росконгресс пуондата.
-
0
-
0
-
0
-
0
-
0
-
1
