Барыллаан сабаҕалааһынынан, быйыл Өлүөнэ көмүөлэ Дьокуускай аннынан ыам ыйын 14 күнүн диэки устара күүтүллэр. Бу туһунан Саха Өрөспүүбүлүкэтин Быыһыыр сулууспатын начаалынньыга Иннокентий Андросов СӨ Гидрометкиинигэр сыылкалаан туран иһитиннэрдэ.
«Өрөспүүбүлүкэ сиригэр-уотугар, Ленскэй оройуонун Витим бөһүөлэгин аннынан муус ыам ыйын 2 күнүгэр хамсаан саҕалыаҕа. Ленскэй куорат диэки ыам ыйын 3-4 күннэригэр тиийиэҕэ. Оттон Дьокуускайга ыам ыйын 14 күнүгэр хамсыыра күүтүллэр», — диэн начаалынньык эттэ.
Урукку сылларга киин куорат аннынан муус устуута ыам ыйын 13-18 күннэригэр бэлиэтэнэрэ. Былырыын муус устуута ыам ыйын 15 күнүгэр саҕаламмыта.
Хаартыска: эрэдээксийэ архыыбыттан
-
1
-
0
-
0
-
0
-
0
-
0
