“Быйыл ойуур баһаардарыгар дьоһуннаахтык бэлэмнэнэбит. Былырыын өрөспүүбүлүкэҕэ уот күүскэ турбута. Билиҥҥитэ икки сүрүн кэскиллээх хайысханан үлэлиэхпитин наада. Бастатан туран, федеральнай үбүлээһин үрдүүрүн ситиһиэхтээхпит. Иккиһинэн, өрөспүүбүлүкэ иһинээҕи баһаарынай күүстэри бөҕөргөтүөхтээхпит. Быйылгы сылга ити хайысхаҕа сэбиэскэй сойуус саҕаттан ыытыллыбатах хамсааһын барда”, – диэн Айсен Сергеевич бэлиэтээтэ.
Өрөспүүбүлүкэ баһылыгын быһаарыытынан, Баатаҕайга Ойуур авиа-харыстабылын аартыкатааҕы салаата тэрилиннэ.
“Кэнники сылларга Аартыка күүскэ умайар. Онон бу сулууспа уоту хара маҥнайгыттан хам баттыырга улаханнык көмөлөһүө диэн эрэнэбит”, – диэн Ил Дархан кэпсээтэ.
- 0
- 0
- 0
- 0
- 0
- 0