Издательский дом Редакция Подписка
Погода в Якутске: . -11 oC

Гамалея аатынан эпидемиология уонна микробиология Национальнай чинчийэр киинин сыстыганнаах ыарыылар микробиологияларыгар салаатын баһылыга Виктор Зуев коронавирустан ким бастакынан прививканы ылыаҕын туһунан кэпсээтэ.

Гамалея аатынан эпидемиология уонна микробиология Национальнай чинчийэр киинин сыстыганнаах ыарыылар микробиологияларыгар салаатын баһылыга Виктор Зуев коронавирустан ким бастакынан прививканы ылыаҕын туһунан кэпсээтэ.

Вирусолог санаппытынан, киһиэхэ иммунитеты үөскэтиигэ вакцинаны туһаныы наадалаах, онон ити кутталлаах бөлөххө киирсэр дьону бастаан таарыйыаҕа. Ол быраастар уонна элбэх киһини кытта алтыһар үлэһиттэр буолаллар.

"Холобур, кассирдар, билиэт атыылааччылар. Саарбаҕа суох, волонтердар. Такси суоппардара", — диэтэ Зуев "НСН" радиостанцияҕа интервью биэрэригэр.

Маныаха кини эбэн эппитинэн, ити кутталлаах бөлөххө киирсэр дьон кэнниттэн вакциналааһыны атыттарга кэҥэтиэххэ сөп. Исписэлиис санаатынан, кэнэҕэс коронавирустан прививканы грипптэн харыстаныы курдук туруорар буолуохтара.

"Бу вирус, мин санаабар, ... сылга иккитэ кэлэн барыаҕа, ол курдук, климаттан төрүөттэнэн биһиэхэ иммунитет таһыма мөлтүүр кэмигэр, күһүн хойутуу уонна саас эрдэ",— диэн түмүктээтэ учуонай.

Кэнники чахчыларынан, Россияҕа ыарыыга сыстыы 281 752 түгэнэ бэлиэтэммит, 2631 киһи олохтон барбыт (ол иһигэр 1580 Москваҕа), 67373 киһи үтүөрбүт. Эпидемияттан сылтаан Россия үгүс регионнарыгар пропуск режимэ киллэриллибитэ, сорх субъектарга дьиэттэн тахсыыга мааска кэтии булгуччулаах. Ол үрдүнэн, кэккэ регионнарга ыарыы тарҕаныыта туруктаммытын түмүгэр, хааччахтааһыннары сыыйа-баайа аҕыйаталлар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением