Издательский дом Редакция Подписка
Погода в Якутске: . 28 oC

Билигин төһө даҕаны дьон мааскатын устан, элбэх киһилээх тэрээһиннэргэ уруккубут курдук көҥүл сылдьыбыппыт иһин, COVID-19 сүтэ илик. Саалаҕа лыык курдук дьон толору симиллибит сиригэр салгын нөҥүө бэриллэр вируснай ОРВИ, гириип син биир элбэх.

Билигин төһө даҕаны дьон мааскатын устан, элбэх киһилээх тэрээһиннэргэ уруккубут курдук көҥүл сылдьыбыппыт иһин, COVID-19 сүтэ илик. Саалаҕа лыык курдук дьон толору симиллибит сиригэр салгын нөҥүө бэриллэр вируснай ОРВИ, гириип син биир элбэх.

Муннуҥ бүөлэнэн, төбөҥ ыараан, дэлби ытырдан-сөтөллөн, сэниэҥ эстэн, сытынан кэбиһиэҥ оннугар быһыы ылбыт ордук. Мэдиссиинэ аныгы олоҕу кытта тэҥҥэ сайдан, билигин COVID-19 утары пассивнай иммунизация биэрэллэр.

Дьокуускай куорат Медицинскай киинигэр бэлэм антителалаах «Эвушелд» диэн быһыыны ылыахха сөп. Бу быһыыны иммунитеттара мөлтөөбүт, көннөрү быһыыны ыллахтарына, ыараханнык аһарынар уонна кэккэ хроническай ыарыылаах дьоҥҥо биэрэллэр. Кинилэр ахсааннарыгар искэн ыарыылаахтар, ревматоиднай артриттаах, аһара уойбут, улахан ыйааһыннаах дьон, сүрэх-тымыр ыарыылаахтар, тыҥа ыарыһахтар, сахарнай диабеттаахтар, гемодиализ ылааччылар, итиэннэ 60-тан аҕа саастаах кырдьаҕастар киирэллэр.  

Кинилэр көннөрү быһыы ыллахтарына, иммунитеттара реакциялыа суоҕун, эбэтэр COVID-19 утары антитела үөскээбэккэ хаалыан сөп.

«Хас биирдии киһи быһыы ыллаҕына, тус-туһунан ылынар. «Эвушелд» бэлэм антителалаах, өскөтүн COVID-19 вируһа киирдэҕинэ, организм түргэннник көмүскэнэн, иммуннай эппиэт биэрэр. Оччотугар киһи ыалдьыбат, эбэтэр чэпчэкитик, симптома суох аһарынар. «Эвушелд» COVID-19 вируһунан сутуллубатах, ыалдьыбыт дьону кытта алтыспатах дьоҥҥо бэриллэр», —диэн этэр Дьокуускай куорат Медицинскай киинин эпидемиолог бырааһа Фатина Федотова.

Бу быһыыны ыларга бэйэҕит поликлиникаҕытыгар участковай терапевка, эбэтэр учуокка турар бырааскытыгар көрдөрүөххүтүн наада.

Хаартыска аhаҕас источниктан ылылынна.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51