- 25 тыһ. тахса квадратнай миэтэрэ иэннээх мэдиссиинэ эбийиэгэ ыарыһахтарга уонна үлэһиттэргэ олус табыгастаах усулуобуйалаах консультационнай-диагностическай уонна стационарнай отделениелартан турар, - диэн киин үлэһиттэрэ быһаараллар.
2024 с. олунньу ый бүтүөр диэри стационарнай отделениелар бары үлэҕэ киириэхтэрэ. Билигин саҥа киин Уһук Илин эрэгийиэҥҥэ биир саамай улахан кииннэр ахсааныгар сылдьар. Поликлиника сменатыгар 210 ыарыһаҕы көрөр уонна стационарга 180 киһи сытар куойка миэстэнэн хааччыйар. Ону тэҥэ куорпуска 8 аныгы эпэрээссийэлиир хостордоох. Онкокиин быраастарын бас билиилэригэр магнитнай-резонанснай, компьютернай томографтар, рентген-комплекстар, ангиографическай установкалар бааллар. Саҥа поликлиника барыта 1880 мэдиссиинэ оборудованиелаах. Киин иһинэн туруоруллубут 260-ча срезтаах компьютернай томограф быар, бүөр курдук уустук искэн ыарыылары үрдүк хаачыстыбалаахтык булан көрдөрөр. Аныгы үрдүк технологиялаах оборудование искэн ыарыылары эрдэтинэ буларга уонна кэмигэр эмтииргэ кыах үөскэтэр.
Санаттахха, ааспыт нэдиэлэҕэ, олунньу 3 күнүгэр, дойду Бэрэсидьиэнэ Владимир Путин дойду субъектарынан үс киин үөрүүлээх аһыыллыытын сиэригэр-туомугар кыттыбыта. Кинилэр ортолоругар Дьокуускайга өрөспүүбүлүкэтээҕи онкологическай киин «Доруобуйа харыстабыла» национальнай бырайыак «Онкологическай ыарыылары утары охсуһуу» федеральнай бырайыагынан судаарыстыба баһылыгын сорудаҕын толоруу чэрчитинэн оҥоһуллубута.
-
0
-
0
-
0
-
0
-
0
-
0
