“Вектор” вирусология уонна биотехнология судаарыстыбаннай научнай киинигэр оҥоһуллубут вакцина РФ олохтоохторугар босхо бэриллиэҕэ, коммерческай атыылааһыны оҥорбоппут”, -- диэн киин дириэктэрэ Ринат Максютов эппитин ТАСС иһитиннэрэр. Кини этэринэн, нэһилиэнньэ ханнык вакцинаны ыларын быһаарарыгар кыах бэриллэр.
Санатар буоллахха, Арассыыйаҕа коронавирустан икки вакцина регистрацияламмыт – “Спутник V” (Гамалеи киин) уонна “ЭпиВакКорона” (“Вектор” киин). Үһүс вакцина Чумаков аатынан иммунобиологическай препараттары чинчийэр кииҥҥэ оҥорон таһаарыллыбыт уонна клиническэй боруобаны ааһар сылдьар.
Бу иннинэ Бэрэсидьиэн Владимир Путин: “Бары эрэгэйиэннэргэ вакцинаны тиэрдиэхпит. Онон маассабай быһыы бу сыл бүтэһигэр ыытылларыгар эрэнэбит. Ол курдук “Вектор” уонна Гамалеи киинин вакциналара РФ доруобуйаҕа харыстабылын министиэристибэтигэр регистрациялаахтар уонна бары ирдэбилгэ эппиэттииллэр”, -- диэн сэтинньи ый саҥатыгар буолбут инвестиция форумун пленарнай мунньаҕар эппит.
-
0
-
0
-
0
-
0
-
0
-
0
