Ол курдук, миниистири солбуйааччы Любовь Бурнашева салалтатынан министиэристибэ эппиэттээх үлэһиттэрэ — Нэһилиэнньэҕэ медкөмөнү оҥорор департамент салайааччытын э.т. Василий Игнатьев, сүрүн эпидемиолог Марианна Данилова Оҕо инфекционнай клиническэй балыыһатыгар, өрөспүүбүлүкэтээҕи клиническэй балыыһаҕа уонна 2 №-дээх балыыһаҕа тэриллибит «кыһыл зоналарга» сырыттылар. Көрүү түмүгүн туһунан Любовь Степановна маннык кэпсээтэ:
– Эмп тэрилтэлэрэ «кыһыл зоналарга» үлэни-хамнаһы сөптөөхтүк тэрийбиттэр, ыарыһахтарга медицинэ өҥөтө толору хааччыллар эбит. Биири бэлиэтиэхпин баҕарабын: инфекционнай отделениеҕа сытар пациеннар 99 бырыһыаннара COVID-19 утары быһыыны төрүт ылбатахтар. Онон, өрөспүүбүлүкэ олохтоохторун коронавируһу утары быһыыны ылалларыгар өссө төгүл ыҥырабын. Быһыыны биэрэр пууннар эмп тэрилтэлэригэр кыраапык быһыытынан үлэлииллэр.
Бу туһунан Доруобуйа харыстабылын министиэристибэтин пресс-киинэ иһитиннэрдэ.
-
0
-
0
-
0
-
0
-
0
-
0
