Күн бүгүн «А» секторга сэттэ дьиэ номнуо тутуллан бүтэн, үлэҕэ киирдэ. Билигин «С» сектор тутуута саҕаланан, сыл бүтүөр диэри хас да дьиэ тутуллан бүтүөхтээх. 2023 сыл бүтүүтэ 17 кыбаарталга баар 24 дьиэ олохтоохторун «Звезднай» түөлбэ билигин тутулла турар «С» секторыгар көһөрүөхтээхтэр. Онно 10 элбэх кыбартыыралаах дьиэ тутуллуохтаах, онтон сэттэтин сыл бүтүүтэ туттарар былааннаахтар.
Ону таһынан, хоккейдыырга, хаҥкылыырга үрүттээх каток тутуллуоҕа, маҕаһыыннар, кафелар аһыллыахтара. Массыына уурарга аһаҕас халлаан анныгар тохтобул оҥоһуллуоҕа, тиэргэн иһэ тимир көлөттөн босхолонуоҕа.
Билиҥҥитэ саамай чугастааҕы «Ильинка» тохтобулга диэри 1, 4, 16 оптуобустар сылдьаллар. Саҥа түөлбэҕэ дьон-сэргэ олохсуйан истэҕин аайы уопсастыбаннай тырааныспар элбиэ, тохтобул эбиллиэ.
-
0
-
1
-
0
-
0
-
0
-
0
