Издательский дом Редакция Подписка
Погода в Якутске: . -24 oC

Аартыка  олохтоохторо Ил Дархан Айсен Николаев сорудаҕынан чааһынай дьиэни тутууга саҥа өйөбүл көрүллүбүтүн эрэнэ иһиттилэр.

Аартыка  олохтоохторо Ил Дархан Айсен Николаев сорудаҕынан чааһынай дьиэни тутууга саҥа өйөбүл көрүллүбүтүн эрэнэ иһиттилэр.

«Бытантай уоттара» хаһыат саайтыгар биллэрбитинэн,  бу сонуну, Эбээн Бытантай улууһун олохтоохторо олус диэн биһирээтилэр. Эбээн Бытантайга кыһыҥҥы суол 3 эрэ ый устата турар. Улуус кииниттэн Дьокуускайга диэри 1486 килэмиэтир, улахан уйуктаах тиэхиньикэлэр тохтообокко айаннаатахтарына 5-6 күн сылдьаллар. Бу ааспыт сылга «Арктика суоллара» ХТ Тополинай эҥэр суолу хаачыстыбалаахтык оҥорбутунан ситиһилиннэ. Эрдэ,  кырата нэдиэлэ айанныыллара.

20 туонналаах таһаҕас тиэйэр массыынаны урбаанньыттар 800-900 тыһ.солк. наймылыыыллар. «Санаан көрүҥ, хоту мастан ураты туох да суох, барытын киин сиртэн тиэйэн аҕалан (тоһоҕоҕо тиийэ) дьиэ туттаҕын. Матырыйаал атыылаһарыҥ балайда ороскуот, аны өссө тиэйтэрииҥ сыттаҕа. Онон, бу өйөбүл олус үчүгэй, сөптөөх мындыр толкуй,»- диэн былырыын дьиэ туттан саҕалаабыт орто саастаах эр киһи санаатын үллэһиннэ.

Санатан эттэххэ, быйыл улуус киинигэр Баатаҕай Алыытыгар эргиэн – логистика киинэ тутуута түмүктэнэн үлэҕэ киирэр. Бу туһунан, Айсен Сергеевич Ил Түмэҥҥэ туһаайыытыгар этэн турар.

Саха Өрөспүүбүлүкэтин Тутууга миниистирэ Виктор Романов  социальнай ситимнэргэ  иһитиннэрбитинэн, бу сорудаҕынан Аартыка 13 улууһун олохтоохторугар чааһынай дьиэни тутарга аналлаах сүрүн матырыйааллары аҕаларга көмөлөһүөхтэрэ. Таһыытын-тиэйиитин Аартыкатааҕы атыы-эргиэн-логистическай хампаанньа босхо оҥоруоҕа.

«Бүгүҥҥү күҥҥэ тэрээһиннэр оҥоһулуннулар, биһиги сотору Аартыкаҕа чааһынай дьиэни тутары өйүүр быһаарыныыны ылыахпыт. Аартыкатааҕы тырааныспар-логистическай хампаанньа нөҥүө матырыйааллары таһыахтара. Холобура, Аартыка олохтооҕо Дьокуускайга чааһынай дьиэни тутууга анаан матырыйааллары атыылаһар, хампаанньа баазатыгар аҕалан туттарар, ону буоллаҕына  Аартыкатааҕы тырааныспар-логистическай хампаанньа улуустар кииннэригэр тиэрдэр», – диэн Виктор Романов эттэ.

Бу көмө миэрэтэ Аартыкаҕа олорор чааһынай дьиэ тутуутун сыанатын быдан түһэриэ диэн кини бэлиэтиир.

Хаартыска: Андрей Сорокин, СИА

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Ийэни-аҕаны солбуйан 

Мин бүгүн Өлөөн улууһун биир бэлиэ киһитэ, сэттэ тулаайах оҕону көрөн-истэн ииппит…
14.02.25 11:30
Түһүлгэ

Тыл... төрөөбүт төрүт тыл

Суоҕу да баар гынар, баары да мэлитэр аптаах алыптаах сахам тыла! Тыл барахсан арбыыр,…
14.02.25 09:34
Түһүлгэ

Дорҕооннор доҕордоһуулара

Былыыр былыр сурук – бичик сайда илигинэ Ылдьаа уолчаан саадьаҕай оҕуһун туора миинэн,…
14.02.25 09:32