Саха Сиригэр 445 муниципальнай тэриллии баар, кинилэр улахан аҥаардара ППМИ бырагырааматыгар көхтөөхтүк кытталлар. Ааспыт аҕыс сыл устата кыайбыт бырайыактар үбүлээһиннэрэ 5,3 млрд. солк. тиийдэ, өрөспүүбүлүкэ хааһынатыттан 3,8 млрд. солк. көрүллүбүтэ, ону таһынан, 1,5 млрд. солк. эбии киирбитэ, ол иһигэр нэһилиэнньэ уонна үбүлээччилэр 575 мөл. солк. харчыны булбуттара.
Олохтоохтор олорор сирдэрин тупсарарга 13 000 тахса этиини киллэрбиттэрэ, куоластааһын быһыытынан 3,5 тыһыынча бырайыак өйөммүтэ. 2017-2024 сс. улахан куонкуруһу ааһан, 2,5 тыһыынчаттан тахса эбийиэк ситэриилээх былаас уонна нэһилиэнньэ күүһүн түмэн оҥоһулунна. Ол иһигэр 262 успуорт былаһаакката, 112 оҕо оонньуур былаһаакката, маассабай тэрээһиннэри ыытар 173 миэстэ, 404 искибиэр оҥоһулунна. Уотунан, сылааһынан, уунан хааччыйыы о.д.а. боппуруостар быһаарылыннылар, суол-иис өрөмүөннэннэ, үөрэх, култуура, сибээс эбийиэктэрэ саҥардылыннылар, 170 анал тиэхиньикэ атыылаһылынна.
Куонкурус түмүгүнэн, үбү-харчыны үллэрэргэ 2025 с. бүддьүөккэ ППМИ бырагыраамаҕа 655 мөл. солк. көрүлүннэ.
Хаартыска: Светлана Колодезникова архыыбыттан.
-
0
-
0
-
0
-
0
-
0
-
0
