Эбийиэк Ил Дархан Айсен Николаев дьаһалынан, үүнэр көлүөнэ пуондатын “Во имя будущего” бырагырааматын чэрчитинэн, АЛРОСА биэрбит харчытыгар тутуллар. Бүгүҥҥү күҥҥэ тутуу 74% бэлэм. Элбэх функциялаах киин 3000 кв миэтирэ иэннээх буолара былааннанар. Ол туһунан улуус пресс-сулууспата иһитиннэрэр.
Бастакы мэндиэмэҥҥэ 300 миэстэлээх кэнсиэртиир саала, 100 миэстэлээх эбиэттиир саала, декорацияҕа аналлаах хос, вестибюль-фойе, доруобуйаларыгар хааччахтаах дьон тахсар сирэ, дьаһалта кабинеттара, касса, гардероб баар буолуохтара. Иккис этээскэ – 50 миэстэлээх киинэ саалата, фитнесс-саала, хареографическай кылаастар.
Саҥа тутууга араас таһымнаах култуурунай-маассабай тэрээһиннэр ыытыллыахтара. Нэһилиэк бары олохтоохторо спордунан, үҥкүүнэн, араас мастер-класстарга дьарыктаныахтарын сөп буолуоҕа.
Майа нэһилиэгиттэн ураты АЛРОСА өрөспүүбүлүкэҕэ өссө үс бөдөҥ тутууну ыытар. Ол курдук Баатаҕайга 30 миэстэлээх поликлиниканы тута сылдьар. Тутуу 2020 сыл күһүнүгэр түмүктэниэхтээх. Ону тэҥэ Уус Алдаҥҥа уонна Намҥа икки култуурунай киин тутуута саҕаламмыта. Тутуулар 2022 сылга түмүктэниэхтээхтэр.
-
0
-
0
-
0
-
0
-
0
-
0
