Улуустааҕы култуура киинин эргэ дьиэтэ хаарбах, саахаланнар туруктааҕа. Саҥа эбийиэк тутуута биллэр-көстөр уопсастыбаннай-политическай диэйэтэл Максим Аммосов төрөөбүтэ 125 сылыгар ананыаҕа. Дыбарыас үс мэндиэмэннээх, 5,5 кв. миэтэрэ иэннээх, 400 миэстэлээх саалалаах, икки библиотекалаах буолуоҕа. Тутуу Үүнэр көлүөнэ фондатыгар «АЛРОСА» хампаанньа 450 мөл. солк. тыырбыт үбүнэн-харчынан, Ил Дархан Айсен Николаев быһаччы дьаһалынан ыытыллыаҕа. Саҥа тутуу 2022 сылга өрөспүүбүлүкэбит автономияны ылыммыта 100 сыллаах үбүлүөйүн көрсө үлэҕэ киирэрэ былааннанар.
- 0
- 0
- 0
- 0
- 0
- 0