Реестргэ киирэр сибидиэнньэлэри РФ тыатын хаhаайыстыбатын Министиэристибэтин биэдэмистибэлээх тэрилтэлэрэ, итиэннэ былаас органнара уонна «Роскосмос» госкорпорация киллэриэхтэрэ.
Сирдээх бас билээччилэр уонна арендатордар реестртэн бэйэлэрин учаастактарын туhунан сибидиэнньэлэри босхо Госуслуга порталын нѳңүѳ ылыахтарын сѳп.
Кабмин сайтыгар этиллэринэн, реестргэ тыа хаhаайыстыбатыгар анаммыт сирдэр туруктарын уонна хайдах туhаныллалларын туhунан кырдьыктаах систиэмэлэммит сибидиэнньэлэр баар буолуохтара. Ол саңа агробырайыактары оңорор кыахтары түргэнник тобуларга, ол иhигэр аhы-үѳлү оңорон таhаарыыны үрдэтэргэ, кѳмѳлѳѳх буолуоҕа.
Ону кытта реестр Бырабыыталыстыба бигэргэппит ѳссѳ биир бырагыраамата олоххо киирэригэр кѳмѳлѳhүѳҕэ. Бу бырагырааманан 2030 сылга диэри 13,2 мѳл. гектар уопсай иэннээх туhаныллыбакка сытар сирдэри туhаҕа таhаарыы былааннанар.
-
0
-
0
-
0
-
0
-
0
-
0
