Олег Иринеев улуус тыатын хаһаайыстыбатын кыһалҕалаах боппуруостарын билиһиннэрдэ, быһаарарга туруоруста. Ону таһынан, фермерскэй хаһаайыстыбаларга уу кутар систиэмэлэр наадаларын эттэ.
Сергей Латышев салайааччылаах “Сайдыы” СХПК бастыҥ үлэлээҕинэн улууска эрэ буолбакка, өрөспүүбүлүкэҕэ эмиэ биллэр. Быйыл 23,5 га сиргэ хортуоппуй уонна 15,9 гаҕа оҕуруот аһын (сүбүөкүлэтэ -- 5 га, хаппыыстата-- 4 га, моркуоба -- 6 га) олордубуттар.
“Билиҥҥи туругунан хаппыыста үүнүүтэ үчүгэй. Пандемия буолбута оҕуруотчуттарга эмиэ оҕуста. Ол курдук, сыыс оту утары үлэһиттэр бэйэлэрэ охсуһаллар, үргээн түбүгүрэллэр. Урукку өттүгэр үөрэнээччилэр уонна устудьуоннар көмөлөһөллөрө", -- диэн миниистир кэпсиир.
Хаҥаласка барыта 14 хаһаайыстыба оҕуруот аһын олордуунан дьарыктанар. Быйыл 2 туонна оҕуруот аһын ылар былааннаахтар.
-
0
-
0
-
0
-
0
-
0
-
0
