“Мындаҕай” ТХПК 2015 сылтан үлэлиир уонна өрөспүүбүлүкэ биир бастыҥ тыа хаһаайыстыбатын кээпэрэтиибинэн биллэр. 431 сүөһүлээҕиттэн 180-на ыаныллар ынахтар. Ынахтары урукку сылларга Хакасияттан аҕалбыттар.
СӨ тыа хаһаайыстыбатын министиэристибэтин пресс-сулууспата иһитиннэрбитинэн, анал бырагырааманан бу сыл устата Ленскэй, Амма Нам, Уус Алдан улуустарын уонна Дьокуускай куорат хаһаайыстыбаларыгар Башкортостан, Татарстан өрөспүүбүлүкэлэриттэн, Архангельскай уонна Смоленскай уобаластартан 340 ынаҕы аҕалбыттар. Бу сылларга тас эрэгэйиэннэртэн сүөһүнү атыылаһыыга уопсайа 70 мөл. субсидия көрүллүбүт.
Ыспыраапка: Кыһыл-эриэн сүөһү боруодата саамай кэнники селекцияланан таһаарыллыбыт боруоданан буолар. 1970-с сылларга симменталь уонна кыһыл-эриэн голштинскай боруодалары кириэстэһиннэрэн таһаарбыт боруодаларынан буолар. Бу сүөһүлэр үүттэрэ элбэҕинэн уонна оҕолоро түргэнник ситэллэринэн үчүгэй.
-
0
-
0
-
0
-
0
-
0
-
0
