“2020 сылга тыа хаһаайыстыбатын салаатын оҥорон таһаарааччылара 26 млрд солк. суумалаах бородууксуйаны оҥордулар. Бу көрдөрүү 2019 сылтан 100,6 %-нан улахан. Тохсунньу 1 күнүнээҕи туругунан, ынах-сүөһү ахсаана 181 буолла. Дьиэ табата 3,5 % эбилиннэ. Таба ахсаана улуустар уонна хаһаайыстыбалар күүскэ үлэлэһэн, 2019 сылтан сыыйа эбиллэ турар”, – диэн Татьяна Матвеевна иһитиннэрбит.
Миниистир солбуйааччыта 2020 сылга 162 тыһ. туонна үүт, 37 тыһ. туонна ынах-сүөһү уонна көтөр этэ бэлэмнэммитин кэпсээбит. Сымыыты оҥоруу 4,4 % эбиллибит, ол эбэтэр өрөспүүбүлүкэ хаһаайыстыбалара 140 мөлүйүөн сымыыты ылбыттар. 79,9 тыһ. туонна ыаныллыбыт үүт бородууксуйа буолбут.
“Бу көрдөрүүлэр өрөспүүбүлүкэ тыатын хаһаайыстыбатын бородууксуйатын оҥорон таһаарааччыларын бары көрүҥнэрин, ол иһигэр кэтэх ыалларын күнүн аайы сыралаах үлэлэрин түмүгэр ситиһилиннэ”, – диэн Татьяна Осипова бэлиэтээбит.
Ол гынан баран, былырыыҥҥы кураан содулугар бурдук, хортуоппуй уонна бааһынаҕа үүнэр оҕуруот аһын көрдөрүүлэрэ намыһах буолбуттар. Ол курдук, 460,5 туонна оҕуруот аһа бэлэмнэммит. Онон уопсай былаан 97,7 % эрэ туолбут.
-
0
-
0
-
0
-
0
-
0
-
0
