Быйылгы кэрийии түмүгүнэн, Эбэ Күөл уолбатыгар дьааттаах от үүнэн эрэрин бэлиэтээн, ыам ыйын 3 күнүгэр нэһилиэнньэҕэ бу оту хомуйууга субуотунньук тэрилиннэ. Субуотунньукка 21 киһи кыттан, күөл кытыытыттан үс куул кэриҥэ дьааттаах от силиһин түөрэн ылан, уматтылар.
Аһыы от (вех ядовитый, цикута) – сииктээх сиргэ үүнэр олус дьааттаах үүнээйи, саамай дьаата хортуоппуйга майгынныыр силиһигэр баар. Оннук силиһи 50-100 гр сиэтэҕинэ, сүөһү өлөр. Силиһи аҥаардаан көрдөххө, иһэ элбэх камералаах буолар, ону хайыттахха ууга араас өҥүнэн оонньуур (бензин ууга түһэрин курдук) цикутин диэн токсина түһэр.
Ордук хойуутук көспүт күөл оннугар, эбэтэр уолан эрэр күөллэр кытыыларыгар үүнэр. Хортуоппуйа силиһиттэн начаас туллан кэлэр, ол иһин сүөһү сэтиэнэх оту кытта холбуу сиэн өлөр. Бу күүстээх дьааты утарар эмп диэн суоҕун туһунан Бэтэринээрийэ департамена иһитиннэрэр.
-
0
-
0
-
0
-
0
-
0
-
0
