Издательский дом Редакция Подписка
Погода в Якутске: . -23 oC

Саха Сирин былаастара «Арктика синергията» бырайыагы федеральнай хос үбүлээhин суолтатын туhунан биллэрдилэр.

Саха Сирин былаастара «Арктика синергията» бырайыагы федеральнай хос үбүлээhин суолтатын туhунан биллэрдилэр.

Саха Сирин Баhылыга Айсен Николаев ахсынньы 14 күнүгэр «Субъект чааhын» кэмигэр Федерация Сэбиэтиттэн эрэгийиэңңэ ВОЛС тутуутугар «Арктика синергията» бырайыагы ѳйүүргэ кѳрдѳстѳ диэн СѲ Баhылыгын уонна СѲ Бырабыыталыстыбатын сайтыгар иhитиннэриллэр.

Аныгы услуобуйаҕа дойду Хотугулуу-Илиңңи территориятын үрдүк тэтимнээх сибээс линияларынан хааччыйыы судаарыстыба иhигэр куттал суох буолуутун харыстааhыңңа сорук быhыытынан турар.

«Россия Минцифратын кытта бииргэ ВОЛС тутуутугар бырайыак оңоhулунна. Бу бырайыак «Полярнай Экспресс» трансарктическай уу аннынан барар ВОЛСка тахсар уонна ыаллыы эрэгийиэннэр сибээс линияларын кытта тиксиhэр, итиэннэ бүттүүн Саха Сирин Арктикатын кэлим инфокоммуникационнай ситимңэ холбуур. Кини федеральнай бүддьүѳттэн хос үбүлэннэҕинэ олоххо киирэр кыахтаах», - диэн эттэ Айсен Николаев.

Саха Сирин арктическай оройуоннарыгар ВОЛС тутуута интернеккэ холбонуу сыанатын 100 тѳгүл аччатыан сѳп диэн кини эбэн эттэ.

Федерация Сэбиэтин Бэрэссэдээтэлэ Валентина Матвиенко Саха Сиригэр эhиил ураты болҕомтону уурарга уонна сѳп түбэhэр таhымңа диэри таhаарарга Федерация Сэбиэтин ити боппуруостарынан дьарыктанар Сэбиэтигэр сорудах биэриэх буолла.

Санаттахха, 2021 сыллаахха диэри ВОЛСка Саха Сирин 70 нэhилиэнньэлээх пууна холбоммута, аныгы үрдүк тэтимнээх сибээс инфокоммуникационнай линията эрэгийэн 363 куораттарыгар уонна дэриэбинэлэригэр туттуллар.

 «Арктика синергията» бырайыак олоххо киирдэҕинэ, 2025 сыл бүтүѳр диэри үрдүк тэтимнээх интернеккэ 52 арктическай нэhилиэнньэлээх пууннар холбонуохтара, ол иhигэр оройуоннар кииннэрэ уонна 34 ыраах сытар сэлиэнньэлэр. Оптоволоконнай линиялар уопсай уhуннара 7000 км кэриңэ буолуоҕа. 72 тыh. тахса киhи үрдүк тэтимнээх интернеты уонна сотовай сибээhи туhанар кыахтаныаҕа.

Мунньах түмүгүнэн бырайыак РФ Федерация Сэбиэтин чилиэннэрин ѳйѳбүлүн ылла уонна «Саха Ѳрѳспүүбүлүкэтин социальнай-экономическэй сайдыытын судаарыстыбаннай ѳйѳѳhүн туhунан» Федерация Сэбиэтин уурааҕар киллэрилиннэ.

Андрей Сорокин фотота

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением