ОС Rosa Mobile смартфоннар Ayya T1 бастакы көрүҥэ аны күһүн атыыга тахсарын туһунан «РОСА» хампаанньа салайааччыта Олег Карпицкай иһитиннэрдэ.
- Төлөпүөн Linux систиэмэлээх. Андроид уонна iOS систиэмэлэр бастыҥ уопуттара туһанылыннылар, онон аныгы смартфоннартан туох да уратыта суох, – диэн Карпицкай бэлиэтиир, - Rosa Mobile андроид систиэмэҕэ таҥыллар, оччотугар «Google» араарыллар түгэнигэр, туһанааччыларга туох да кутталы үөскэппэт.
Смартфон бастакы баартыйатын Зеленоград куоракка «Рутек» хампаанньаҕа оҥорон таһаарарга дьүүллэһилиннэ. Бары мобильнай сыһыарыылары үлэлэтэр кыахтаныаҕа, холобур, бааннар, «Госуслуги» портал, о.д.а. сыһыарыылары. Маны таһынан, «RosaStore» диэн туспа «оробуочай маҕаһыыннаах» буолуоҕа.
Сотору кэминэн бу саҥа төлөпүөн дойду бары туһанааччыларыгар баар буолара сабаҕаланар.
-
5
-
0
-
1
-
0
-
0
-
0
