-
0
-
0
-
0
-
0
-
0
-
0
Культура
“Уруйдан, Улуу Олоҥхо, Манчаары дойдутугар!”
«Уруйдан, Улуу Олоҥхо Манчаары дойдутугар» диэн девизтээх Мэҥэ Хаҥалас улууһугар Олоҥхо ыйын чэрчитинэн олоҥхону истии киэһэтэ Балыктаахха тэрилиннэ уонна чугас сытар нэһилиэктэри ыҥыран Дойду, Мөҥүрүөн, Мэҥэ нэһилиэктэрин ыччаттарын хамаандаларын икки ардыларыгар өбүгэ оонньууларын күрэхтэһиитэ буолан ааста.
- Информация о материале
- Мария Захарова, Балыктаах
- 1058
![](/images/econa-article-images/18750/full/2.jpg)
«Уруйдан, Улуу Олоҥхо Манчаары дойдутугар» диэн девизтээх Мэҥэ Хаҥалас улууһугар Олоҥхо ыйын чэрчитинэн олоҥхону истии киэһэтэ Балыктаахха тэрилиннэ уонна чугас сытар нэһилиэктэри ыҥыран Дойду, Мөҥүрүөн, Мэҥэ нэһилиэктэрин ыччаттарын хамаандаларын икки ардыларыгар өбүгэ оонньууларын күрэхтэһиитэ буолан ааста.
2006 сыллаахха ЮНЕСКО Саха Олоҥхотун Аан дойду култууратын шедевринэн билиммит өбүгэбит улуу айымньытын олоҥхону дьоҥҥо, эдэр ыччакка тиэрдэр-өйдөтөр сыалтан сахабыт баай тыла-өһө олоҥхо оһуор тылыгар, кылыһахтаах тойугар үөрэтиигэ, саҥа саҕалааччыларга күүс-көмө буоллар диэн эрэл санаанан ыытылынна. Тэрээһин саха фольклоруттан эҕэрдэ нүөмэрдэринэн саҕаланна. Хомусчуттар бөлөхтөрүн толоруутугар Айсен Аммосов репертуарыттан "Дьөһөгөй", "Ай-Тыас" бөлөх толоруутугар "Чаа Буо" аныгылыы чабырҕах, Дойду нэһилиэгиттэн ыалдьыттар толорууларыгар норуот ырыатынан попурри, "Татыйаас" ырыаны Дария Андросова ыллаан көрөөччүлэри сэргэхситтилэр.
"Олоҥхо оҕо хараҕынан" диэн тиэмэҕэ оскуола үөрэнээччилэрин уруһуйдарын быыстапката дьон интэриэһин тарта, сөхтөрдө. Бу дьоро киэһэ ыҥырыылаах ыалдьытынан Дьабыыл нэһилиэгин ыччата Саха Өрөспүүбүлүкэтин Бастакы Бэрэсидьиэнэ М.Е. Николаев аатынан бириэмийэ стипендиата, Саха Өрөспүүбүлүкэтин үтүөлээх оһуохай этээччитэ, Мэҥэ Хаҥалас улууһун Дархан оһуохай этээччитэ ,алгысчыт, эмчит Денис Оконешников "Дьорҕостой бэргэн" олоҥхоттон быһа тардыыны итэҕэтиилээхтик толорон истээччилэр биһирэбиллэрин ылыан ылла.
Үс нэһилиэк ыччаттарын "Өбүгэ оонньуулара-2023" күрэхтэһиилэрэ олус сэргэхтик, тыҥааһыннаахтык ыытылынна. Барыта сэттэ көрүҥҥэ ыалдьыттар уонна олохтоох ыччаттар хамаандалара илин-кэлин түһүстүлэр. Күрэҕи иилээн-саҕалаан Балыктаах орто оскуолатын физкултуураҕа учуутала, мас тардыһыыга тириэньэр Андрей Николаевич Винокуров ыытта. Судьуйанан Иван Мохначевскай, Павел Кычкин үлэлээтилэр.
Бастыҥнарынан ааттаннылар "Кырынаастааһын" көрүҥҥэ - Щербак Андрей, Мөҥүрүөн нэһилиэгин ыччата.
"Ойбонтон уулааһын"- Евгений Кривошапкин, Дойду нэһилиэгэ.
"Түү мээчиги быраҕыы"- Дмитрий Фадеев, Мэҥэ нэһилиэгэ.
"Өһөс торбос"- Петр Кычкин, Мөҥүрүөн нэһилиэгэ.
"Кириэс тэбии"- Михаил Попов, Дойду нэһилиэгэ.
"Тутум маһы эргийии"- Николай Мордискин, Мэҥэ нэһилиэгэ.
"Күлүүстэһии" - Айтал Васильев, Мэҥэ нэһилиэгэ.
Күрэх балаһыанньатынан көрүҥ аайы эриэ-дэхси түмүгү көрдөрөн, бастакы миэстэ Мэҥэ, иккис миэстэ Дойду, үһүс миэстэ Мөҥүрүөн ыччаттара тигистилэр. Кыайыылаахтар анал мэтээллэринэн, грамоталарынан бэлиэтэннилэр. Саха дьонун үгэһинэн мустубут дьон, тэрээһин кыттыылаахтара Чыпчаал оһуохайы оройуттан туттулар, оһуохайы Денис Оконешников таһаарда. Алыптаах олоҥхону, оһуохайы уонна өбүгэ оонньууларын өрө тутан,үтүө үгэстэрбит өссө да сайда турдуннар диэн санаалаах сылдьыбыт-кыттыбыт дьон-сэргэ бу сэргэх тэрээһини биһирээбиттэрин биллэрэн астынан тарҕастылар.
Түһүлгэ
Өҥүрүк куйаас өҥөйдө
Өҥүрүк куйаас өҥөйдө, күрүлэс куйаас сатыылаата. Сарсыардаттан сардаҥа сылааһа сырылаччы…
26.07.24 18:30
Экономика
Как оплатить налоги удаленно
Если раньше для того, чтобы оплатить налоги, нужно было идти в банк или…
26.07.24 15:20
Сельское хозяйство
Предложили упростить правила учета сельскохозяйственных животных
Правила учета сельскохозяйственных животных предложили упростить, разрешив вести его…
26.07.24 15:17
Общество
30% льготу на оплату ЖКУ предоставят многодетным семьям Якутии
В Якутии многодетным семьям будет предоставлена 30%-ная льгота на оплату…
26.07.24 15:14
Уопсастыба
2025 сылга өрөбүл күннэри болҕойуҥ
Арассыыйа Үлэҕэ Министиэристибэтэ үгэс быһыытынан 2025 сылга өрөбүл күннэр халандаарын…
26.07.24 14:38
Уопсастыба
Орто Халымалар, хайдах олороҕут?
Хоту сир айылҕата, олоҕо, ураты. Хоту дойду дьоно тыйыс усулуобуйаҕа олороллор. Төһө…
26.07.24 12:04