Саха Сиригэр аан бастаан уһаарыллыбыт саҥа поруом устата 19 миэтэрэ 20 сантиметр, кэтитэ 6 миэтэрэ, 50 туоннаҕа диэри ыйааһыннаах таһаҕаһы тиэйэр кыамталаах. Дьокуускайтан баарсанан 24 хонук устата айаннаан кэллэ.
Бу поруом кэлиитэ улуус олохтоохторугар уонна тыа сирин үлэһит дьонугар өр сылларга күүтүллүбүт үөрүүлээх түгэн буолар. Аны сааскыттан поруом тыа хаһаайыстыбатын үлэтигэр күүскэ туһаныллыаҕа. Онон анал тиэхиникэни, тыа хаһаайыстыбатын үлэһиттэрин уонна сүөһү аһылыгын кэмигэр, түргэнник таһар кыах үөскээтэ диэн Сунтаар улууһун дьаһалтатын пресс-сулууспата Тыа хаһаайыстыбатын уонна ас-үөл бэлиитикэтин министиэристибэтин МАХ ханаалыгар таһаарда.
Хаартыска: Тыа хаһаайыстыбатын уонна ас-үөл бэлиитикэтин министиэристибэтин МАХ ханаала.
-
0
-
0
-
0
-
0
-
0
-
0
