Дьылҕа Хаан, итэҕэл, дьахтар дьылҕата, эр киһи, таҥнарыы, дьиҥ таптал – барыта бу киинэҕэ ойууланан, көрөөччү дууһатын кылын таарыйар гына оҥоһуллан,
философскай хабааннаах уус-уран киинэ чочуллан көрөөччү киэҥ
араҥатыгар таҕыста.
Стинньи 23 күнүгэр Н. Д. Неустроев аатынан Smart-бибилэтиэкэҕэ киинэ хамаандатын кытта көрсүһүү буолан ааста. Тэрээһини Майя Беленкова иилээн-саҕалаан ыытта.
Алексей Семенович дипломнай үлэтигэр Николай Заболоцкай - Чысхаан "Мааппа" айымньытынан устубут тэттик киинэтин
салгыытынан ааҕыахха сөп. Ол эрээри, манна атын устуоруйа, кэрчик ойууланан, бастакы киинэттэн чыҥха атын.
Артыыстар Федот Львов, Иван Константинов, Гаврил Менкяров, Алиса Ларионова оруолларын олус итэҕэтиилээхтик толорбуттар. Көрөөччүлэр бэрт интэриэһинэй ыйытыыларыгар бэртээхэй эппиэттэри биэрдилэр, санааларын кытта үллэһиннилэр.
Киинэ саха литэрэтиирэтиттэн төрүттэнэрин, биир ситимнээхтэрин
санатан туран, Николай Заболоцкай-Чысхаан «Мааппа» кинигэтин булан ааҕаргытыгар, онтон Алексей Романов 1986 сыллааҕы киинэтин булан көрөргүтүгэр ыҥырабыт. Оччоҕо, дьэ, көрөөччү бу сиквел киинэни көрөргө
бэлэм буолар.
Хаартыскалар Smart-бибилэтиэкэ пресс-сулууспатыттан
-
3
-
0
-
0
-
0
-
0
-
0
