Издательский дом Редакция Подписка
Погода в Якутске: . -16 oC

Олунньу 26 күнүгэр «Россия – моя история» түмэл комплексыгар Арассыыйа норуотун айымньытын үтүѳлээх образцовай кэлэктиибэ, оҕо норуодунай ансаамбыла «Кэнчээри» 50 сыллаах үбүлүѳйүн чэрчитинэн сэргэх тэрээhин ыытыллыаҕа.

Олунньу 26 күнүгэр «Россия – моя история» түмэл комплексыгар Арассыыйа норуотун айымньытын үтүѳлээх образцовай кэлэктиибэ, оҕо норуодунай ансаамбыла «Кэнчээри» 50 сыллаах үбүлүѳйүн чэрчитинэн сэргэх тэрээhин ыытыллыаҕа.

Күнүс 15:00 «Кэнчээри – мин айар суолум» хаартыска быыстапката, «Кэнчээри» ансаамбыл туhунан кинигэ-альбом сүрэхтэниитэ кѳрѳѳччүнү күүтэллэр. Ону кытта наҕараадалааhын церемонията буолуоҕа.

Оттон 16:00-17:00 «От фольклора до классики» документальнай киинэ кѳстүѳҕэ. Бу киинэ култуурунай кѳҕүлээhиннэри ѳйүүр Фонда кѳмѳтүнэн уhуллубута.

Оҕо норуодунай ансаамбыла «Кэнчээри» ѳссѳ Сэбиэскэй Сойуус кэмигэр киэңник биллибитэ. 1979 сыллаахха, бэл,  Киин телевидениеҕа «Веселые нотки» биэриигэ кѳстүбүтэ

Биллэр музыкант, мелодист, композитор Василий Степанович Парников салайар «Кэнчээри» ансаамбылыгар ѳрѳспүүбүлүкэбит элбэх айар дьоно иитиллэн тахсыбыта. Дьоро күңңэ выпускниктар, итиэннэ «Кэнчээри» ансаамбыл сүгүрүйээччилэрэ кыттыахтара.

Буолар сирэ: 2-с этээс, конференц-саала. Киирии босхо.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением