Издательский дом Редакция Подписка
Погода в Якутске: . -11 oC

Саха Өрөспүүбүлүкэтин Наукаҕа дьоҕус академиятын үөрэтэр-лабораторнай куорпуһугар муус устар 27-29 күннэригэр ахсыс төгүлүн «Кэскиллээх интеллектуальнай лидердар» диэн форум ыытыллыаҕа. Бу форумҥа өрөспүүбүлүкэбит араас улуустарыттан наукаҕа уонна чинчийэр үлэҕэ бастыҥтан бастыҥ ситиһиилээх 100 оскуола үөрэнээччилэрэ мустуохтара. Бу оҕолор бары аһаҕас куонкурус түмүгүнэн СѲ Дьоҕус академиятын дьиҥнээх чилиэттэрэ уонна чилиэн-корреспонденнара үрдүк ааты сүгэллэр. 

Саха Өрөспүүбүлүкэтин Наукаҕа дьоҕус академиятын үөрэтэр-лабораторнай куорпуһугар муус устар 27-29 күннэригэр ахсыс төгүлүн «Кэскиллээх интеллектуальнай лидердар» диэн форум ыытыллыаҕа. Бу форумҥа өрөспүүбүлүкэбит араас улуустарыттан наукаҕа уонна чинчийэр үлэҕэ бастыҥтан бастыҥ ситиһиилээх 100 оскуола үөрэнээччилэрэ мустуохтара. Бу оҕолор бары аһаҕас куонкурус түмүгүнэн СѲ Дьоҕус академиятын дьиҥнээх чилиэттэрэ уонна чилиэн-корреспонденнара үрдүк ааты сүгэллэр. 

«Быйыл аһаҕас куонкуруска өрөспүүбүлүкэ 29 улууһуттан 490 сайаапка киирбититтэн, биһиги анал сүүмэрдээһин түмүгүнэн, 200 бастыҥ көрдөрүүлээх оҕону таллыбыт. Сайаапкалары 1-11 кылаас оҕолоро ыыппыттара. Сүүмэрдээһин оҕолор наукаҕа ситиһиилэрин, араас эрэгийиэн, дойду уонна аан дойду таһымнаах куонкурустарга, кэмпириэнсийэлэргэ, олимпиадаларга кыттыыларын учуоттаан оҥоһулунна», - диэн Саха Өрөспүүбүлүкэтин Наукаҕа дьоҕус академиятын ректора Василий Павлов кэпсээтэ.

49297a5c 520f 45d4 afb6 347157206b57

«Кэскиллээх интеллектуальнай лидердар» форум быйыл ахсыс төгүлүн ыытыллар. Аан бастакы форум 2016 сыллаахха Өрөспүүбүлүкэ Бырабыытылыстыбатын уурааҕар олоҕуран тэриллибитэ.

Билигин Саха Өрөспүүбүлүкэтин Наукаҕа дьоҕус академиятын дьиҥнээх чилиэнэ үрдүк ааты сүгэр саамай кыра саастаах оскуола оҕотунан Нерюнгри оройуонуттан төрүттээх 5 кылаас үөрэнээччитэ Владислава Корсун, оттон саамай кыра саастаах чилиэн-корреспонденынан Амма улууһуттан 4 кылаас үөрэнээччитэ Луиза Захарова буолаллар.

d6162ba3 9eb7 4f1e 9f46 c15521d7ca4a

Дьокуускай куорат 25-c нүөмэрдээх оскуолатын 11 кылааһын үөрэнээччитэ Илья Бецанич: «Мин Саха Өрөспүүбүлүкэтин Наукаҕа дьоҕус академиятын дьиҥнээх чилиэн буолуум миэхэ элбэҕи биэрдэ. Бастатан туран, мин Сахабыт Сирин араас улуустарыгар олорор науканан, тиэхиникэнэн ылсан туран үлүһүйэр бэйэм саастыылаахтарбын кытары билистим, доҕордостум. Иккиһинэн, мин араас дойду таһымнаах бөдөҥ научнай-чинчийэр куонкурустарга кыттан кыайыыны ситистим. Холобура, бүтүн дойду үрдүнээҕи В.И. Вернадскай аатынан ыччат чинчийэр үлэлэрин куонкуруһугар лауреат үрдүк аатын сүктүм, «Инникигэ хардыы» научнай-практическай кэмпириэнсийэ аан дойду таһымнаах түһүмэҕэр кытынным. Инники олохпун билими кытары ыкса сибээстиир былааннаахпын уонна, оскуолабын түмүктээтэхпинэ, биолог эбэтэр гидробиолог идэтин баһылыыр инниттэн үрдүк үөрэх кыһатыгар туттарсары былаанныыбын», - диэн санаатын үллэстэр.

19eb9b06 3f87 4d74 94b3 03473a1aedf4

Оттон Хотулугуу-Илиҥҥи Федеральнай университет үөрэтэр-чинчийэр анал киинин 10 кылааһын үөрэнээччитэ Семен Платонов: «Мин алтыс кылааска үөрэнэ сылдьан, наукаҕа бастакы хардыыбын оҥорбутум. Ол курдук, балык хатырыгыттан уот эниэргийэтин ылыыга чинчийии ыытан саҕалаабытым. Бу чинчийиибин сылтан сыл тупсаран, кэҥэтэн иһэбин. Бу үлэбинэн дойду таһымнаах икки бөдөҥ куонкурустарга бастакы миэстэни ылары ситиспитим», - диир.

«Кэскиллээх интеллектуальнай лидердар» форумҥа мустубут оҕолору интэриэһинэй тэрээһиннэр күүтэллэр. Ол курдук, кинилэр өрөспүүбүлүкэ экэниэмикэҕэ миниистирин солбуйааччы Александр Афанасьевы, Саха Сирин сайдыыга корпорациятын үлэһитэ Александр Христофоровы кытта атах тэпсэн олорон, өрөспүүбүлүкэ инники сайдыытын торумнуохтара.

Итини сэргэ ис кыахтарын, өйдөрүн-санааларын, уйулҕаларын сайыннарар трениннэри, дьарыктары ааһыахтара, сөпкө саҥарарга, былаанныырга, идэни таба тайанан талыыга туһуламмыт көрсүһүүлэргэ, дьарыктарга сылдьыахтара.

5c69b562 ea42 420b b2a8 4eb2b592c557

762e614a 1659 45ca ac69 aa11c4e2c4d8

c968ae72 83b5 4654 9713 fb638641bd6c

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением