«Болугур», «Бөтүҥ», «Соморсун», «Абаҕа», “Кэскил”, “Үрүйэ”, Лукин аатынан кэпэрэтииптэргэ бүгүн, ол эбэтэр бэс ыйын 2 күнүгэр, МТЗ-82 тыраахтардар күлүүстэрин туттардылар.
Бу тимир көлөлөрү СӨ Тыа хаһаайыстыбатын министиэристибэтин сүөһү эбии аһылыгын оҥорон таһаарыыга туһуламмыт бырагырааматын чэрчитинэн атыыластылар.
Маныаха өрөспүүбүлүкэ бүддьүөтүттэн 8,5 мөл. солк, оттон Амма улуустааҕы бүддьүөтүттэн 11,2 мөл. солк. харчы көрүллэн, уопсай үбэ 19,7 мөл. солк. буолбут. Итинтэн 14, 7 мөл. солк харчытыгар бу 7 тыраахтары ыллылар. Хаалбыт 5 мөл. солкуобайыгар 210,6 туонна ыһар сиэмэлэрин булунуохтара. Быйыл сүөһү сиир култууратын 4179 гектарга олордуохтара.
Быйыл Аммаҕа бурдугу ыспыттара 350 сыла! Маныаха бэртээхэй бэлэх буолла.
Манна даҕатан эттэххэ, тыраахтардары биир дойдулаахтара, норуот дьокутаата Руслан Федотов тэрилтэтэ атыылаһан аҕалан биэрдэ.
-
3
-
0
-
1
-
0
-
0
-
0
