Бу күн СӨ Инновацияҕа, цифровой сайдыыга уонна инфокоммуникационнай технологиялар министиэристибэтэ, "Марафон зеленых дел" бүтүн Арассыыйатааҕы аахсыйаҕа кыттыһан, сонуну киэҥник тарҕатар судаарыстыбаннай тэрилтэлэри түмэн, улахан суобутунньугу тэрийдэ.
“Ил Түмэн” издательскай дьиэ, “Саха” НКИХ, “Сахамедиа”, “Сахабэчээт”, “Кэскил”, “Айар” кыһа, ДьРТ үлэһиттэрэ Чочур Мыраан күөлүн тулатын ыраастаатылар.
Суруналыыстар үөрэ көрбүттэрэ диэн, дьон экологическай култуурата үрдээбитин, айылҕаҕа харыстабыллаахтык сыһыаннаһар буолбутун. Ол туоһутунан пластик бытыылкалар, тимир, таас бааҥкалар быраҕыллаллара хаһааҥҥытааҕар да аҕыйаабыт. Сүрүннээн урукку сыллардааҕы хаптаһыннар, дурдалар сэмнэхтэрэ, мас тобохторо ыһылла сыталлар эбит.
Ону барытын чөмөхтөөн, тиэйэргэ бэлэмнээтилэр.
Куораппыт ыраас буолара -- хас биирдиибититтэн тутулуктаах.
-
3
-
0
-
0
-
0
-
0
-
0
