Все новости

24 улуус  30 түмсүүтүттэн барыта холбоон 212 айымньы киирдэ. Олортон хоһоон хайысхатыгар - 141, кэпсээн хайысхатыгар - 71.

Дьүүллүүр сүбэҕэ хоһооннору көрбүттэрэ:

Наталья Владимировна Михалева-Сайа – норуодунай суруйааччы;

Саргылаана Васильевна Гольдерова-Саргы-Куо - поэтесса;

Павлов Борис Иванович - "Көмүөл" кинигэ кыһатын салайааччыта, суруйааччы;

Татаринов Алексей Михайлович-Удьурҕай - поэт, Нам улууһун "Отуу уоттара" түмсүү салайааччыта;

Хон Виктор Иванович-Нохтохоон (Омук Уола) - поэт.

Кэпсээҥҥэ айымньылары көрбүттэрэ:

Амбросьев Александр Ксавьеревич-Сайылык Уола - поэт, прозаик;

Леонтьева Туйаара Гаврильевна -тыл үөрэхтээҕэ, учуутал;

Софронова Ольга Васильевна-Суһум - поэтесса, суруналыыс;

Стручков Роман Дмитриевич-анал дьарыгырар ааҕааччы.

Күрэхпит спонсордара:

"Долун" типография хара маҥнайгыттан кэпсээҥҥэ 1,2, 3 үрдэллэр бириистэрин олохтообута;

Валерий Васильевич аймахтарын ааттарыттан 35 000 солк. туттарда – Игорь Егорович Сортолов;

Валерий Васильевич бииргэ үөрэммит үөлээннэхтэрэ 21 000 солк. биэрдилэр;

Үөһээ Бүлүү улууһун Үөдүгэй нэһилиэгин дьаһалтата (баһылык Альберт Юрьевич Иванов) -- ноутбук.

Күрэх аан маҥнай тэриллиэҕиттэн харчынан көмөлөспүт уонтан тахса спонсордар --  бу Муттуххай Бороҥ бииргэ алтыспыт доҕотторо, бииргэ үрдүк үөрэххэ үөрэнэ сылдьыбыт однокурсниктара, кинигэлэрэ тахсарыгар Валерий Васильевич илэ бэйэтинэн сүүрэн-көтөн таһаартарбыт ааптардара;

Бэйэтэ анал бириис диэн, 5000 солк. сууманы Софронова  Ольга Васильевна-Суһум олохтообута.

Үөһээ Бүлүү улууһун дьаһалтата Үөһээ Бүлүү кииннэммит библиотека аатыттан "Үөһээ Бүлүү - Олоҥхо ыһыаҕа" диэн биэс кинигэттэн турар икки нобуору туруорда.

 Бары үлэлэспиттэргэ,  өйөөбүттэргэ өссө төгүл махталбытын биллэрэбит!

Дьүүл хайдах барда?

Айымньы нүөмэрдэммитэ, ааптар аата кистэммитэ уонна дьүүллүүр сүбэ чилиэттэригэр электроннай уонна кумааҕы көрүҥнэрэ ыытыллыбыттара. Ырытааччылар хас биирдии айымньыга 1-10 бааллары туруортаабыттара. Ырытыылар хомулланнар, тиһиллэннэр, кыайыылааҕы быһаарыллыбыта. Бааллар тэҥнэһэр түгэннэрин Тэрийэр сүбэ айымньы ис хоһоонун, табыллыбытын көрөн куоластаабыппыт.

Хас биирдии хайысхаҕа алталыы биһирэбил (номинация) туттарыллыбыттара. 1, 2, 3 үрдэллэр анаммыттара

 Хоһоон хайысхатыгар биһирэбил (3 тыһыынча солк. бириис ыллылар):

- Данилова Зоя Никандровна-Кэкэрдэ;

- Антонова Евдокия Гаврильевна-Самаана Хотун;

- Васильев Илья Афанасьевич-Ылдьаа Хоточчу.

Хоһоон хайысхатыгар биһирэбил ( 3 тыһ. Солк. Бириис  уонна "Эн талааҥҥар сүгүрүйэн..." суруктаах блокнот, уруучука):

- Попова Евдокия Иннокентьевна - Айыына;

- Хон Вячеслав Иванович;

Уонна аҕыйах хонук анараа өттүгэр бу олохтон туораабыт Колодезникова Ирина Афанасьевна - Ымыы анаммыт бирииһин кыыһа тутта.

Үрдэллэр:

III - Саргын кыыһа Уран Күннэй (бириис - 5000 солк);

II - Еремеев Василий Васильевич-Василь (бириис - 8000 солк);

I - Васильев Иннокентий Филиппович-Тэгэ (бириис - 10000 солк).

Дьүүллүүр сүбэттэн Борис Павлов биэс бэйэтин кинигэтин туттарда:

Васильев Иннокентий Филиппович-Тэгэ;

Еремеев Василий Васильевич-Василь;

Саргын кыыһа Уран Күннэй;

Хон Вячеслав Иванович;

Попова Евдокия Иннокентьевна - Айыына.

Хоһоон хайысхатын кыайыылааҕар Хон Виктор Иванович эмиэ бэйэтин хоһооннорун хомуурунньугун анаабыта, ол Васильев Иннокентий Филипповичка- Тэгэҕэ тиксиэҕэ.

Кэпсээн хайысхатыгар биһирэбил (3 тыһыынча солк бириис):

- Кондакова Сюзанна Васильевна;

- Семенов Сергей Афанасьевич-Сэгэй;

- Габышев Анатолий Прокопьевич-Урут.

Кэпсээн хайысхатыгар биһирэбил ( 3 тыһыынча солк уонна "Эн талааҥҥар сүгүрүйэн..." суруктаах блокнот, уруучука):

- Коркина Ираида Федоровна-Чугдаара;

- Макаров Бурхалей Степанович;

-Андреева Мария Романовна.

Үрдэллэр:

III - Жулева Александра Семеновна - Суһума (5000 солк);

II - Сергучева Вилюрия Петровна - Вилюрия (8000 солк);

I - Поскачина Мария Еремеевна (10000 солк).

Софронова Ольга Васильевна - Суһум анал бирииһэ Кононова Варвара Даниловна - Балбаара Хорула туттарылынна.

Үөһээ Бүлүү улууһун дьаһалтатын уонна Үөһээ Бүлүү улууһун кииннэммит библиотека бириистэрин туттардылар:

Тэрээһин салайааччытыгар Кириллин Анатолий Гаврильевичка- Дьолу Кууска;

Кэскиллээх, инникилээх ылбаҕай тыллаах хоһоонньукка - Саргын Кыыһа Уран Күннэйгэ.

 Сүрүн бирииһи - ноутбугу - туттарыыга эрдэттэн саамай көхтөөх кыттыыны ылбыт түмсүүгэ диэн быһаарбыппыт.  Хас да түмсүү кыттааччытын ахсаана тэҥ буолан, кыттааччылар хаачыстыбаларын (үрдэлгэ, биһирэбилгэ түбэспиттэрин учуоттаан) быһаарбыппыт --  "КЭРЭ ЭЙГЭ" түмсүү, салайааччы Аржакова Зоя Егоровна!

Күрэхпитигэр сэттэ оҕо кыттыбыта уонна түөрт видеоролик киирбитэ. Баларга барыларыгар сэмэй бириистэрбитин хайаан да тиксэриэхпит.

Түмүгү таһаарыы кэмигэр оонньуу арааһа көҕүлүттэн тутуллубута, олортон биирдэстэрэ - тута хоһуйууга күрэх ыытыллыбыта. Манна үс кыайыылаахха биирдии тыһыынча бириистэри туттартаабыппыт.

Түмүк таһаарыы истиҥ ыалдьыттарынан буолбуттара:

Саха Сирин суруналыыстарын Сойууһун бэрэссэдээтэлэ Бочкарева Галина Алексеевна;

Хоһоон хайысхатын дьүүллүүр сүбэтин чилиэнэ, поэтесса Гольдерова Саргылана Васильевна - Саргы-Куо;

Хоһоон хайысхатын дьүүллүүр сүбэтин чилиэнэ,"Көмүөл" кинигэ кыһатын салайааччыта, суруйааччы Борис Иванович Павлов;

Өрөспүүбүлүкэтээҕи интэринээт-лицей дириэктэрэ, Ил Түмэн хас да ыҥырыытын дьокутаата - Иван Иванович Шамаев;

Үөһээ Бүлүү улууһун кииннэммит библиотекатын салайааччы  Петрова Наталья Кирилловна;

Үөһээ Бүлүү улууһун дьаһалтатын Дьокуускай куоракка бастайааннай бэрэстэбиитэлэ Иванов Анатолий Борисович;

Үөһээ Бүлүү улууһун Үөдүгэй нэһилиэгин баһылыга Иванов Альберт Юрьевич;

"Айар Кут" кэпсээнньиттэр уонна хоһоонньуттар сойуустарын төрүттэспит дьонтон биирдэстэрэ Никифоров Валерий Иванович-Суор Уола;

СӨ үтүөлээх суруналыыһа Егорова Надежда Парфеньевна - Намылы;

Бииргэ үөрэммит үөлээннээхтэрэ, уо.д.а.

 Түмүк тахсыытын кэмигэр кэлбэтэх ааптардарга Туоһу суруктарын,  миэстэлэспиттэргэ бириистэрин бу күннэргэ тиксэриэхпит. Киирбит айымньылары хайаан да кыттааччыларга билиһиннэриэхпит, баҕар, киирбит айымньыларынан кинигэ оҥорон таһаарыахпыт диэн иһитиннэрэбит.

Бүтэһигэр махтаныахпытын баҕарабыт бары кыттааччыларга - бу куонкуруспут сүрүн соругун толордубут - аҕа убайбыт, доҕорбут, бары да киэн туттар киһибит Валерий Васильевич Васильев - Муттуххай Бороҥ аата ааттанна, кини сырдык кэриэһигэр ыытыллыбыт куонкуруспутугар элбэх үчүгэй айымньы үөскээн таҕыста диэтэхпинэ сыыспаппын. Бу тэрээһиммитин үгэскэ кубулутан, эһиил эмиэ тэрийэр санаалаахпыт. Буолбут куонкуруспутугар көрсүбүт итэҕэстэрбитин эрдэттэн туоратан, эһиил өссө киэҥ далааһыннаах уонна үрдүк таһымнаах күрэҕи тэрийиэҕи баҕарыллар.

Бары махталы кытта, Дьолу Куус-Кириллин Анатолий Гаврильевич

 РСП "Айар Кут" бэрэссэдээтэлэ.