Булумньуну Езеро диэн кыраатар (оҥхой) түгэҕиттэн, боруода быыһыттан арааран ыллылар. Nasa үлэһиттэрэ бу туһунан ахсынньы 15 күнүгэр аан дойдуга иһитиннэрдилэр.
Үлэһиттэр эрдэ-сылла билигин Маарыска олох көһүннэ диэн этэргэ өссө эрдэ дииллэр. Бу органическай холбоһуктар биологичэскэй сабыдыалынан эрэ буолбакка, бэйэлэрэ эмиэ үөскүөхтэрин сөп эбит. Чинчийээччилэр иннилэригэр билигин бу ханнык бырассыас түмүгэр маннык булуоктар үөскээбиттэрин быһаараллара турар.
Perseverance булумньулара сиргэ 2031 сылга кэлэллэрэ сабаҕаланар. Онуоха диэри, бу организмнар үөскээбит төрүөттэрин хомойуох иһин сатаан билбэт эбиппит.
Бу болдьох санаатахха олус ыраах курдук эрээри, ити кэмҥэ чинчийээччилэри өссө туох арыйыылар күүтэллэрэ биллибэтиттэн олус долгуйалларын туһунан санааларын үллэстэллэр.
Perseverance Кыһыл быланьыатаҕа бу сыл олунньу ыйыгар ситиһиилээхтик тиксибитэ. Тиийдэ тиийээт, Езеро оҥхойугар үлэтин саҕалаабыта. Түҥ былыргыта бу оҥхой оннугар сүүнэ улахан күөл уонна өрүс баһа баар буола сылдьыбыта биллэр. Бу марсохуод чопчу икки сыаллаах: Маарыска олох үөскүү сылдьыбытын көрдөөһүн уонна булбут матырыйаалын сиргэ утаарыы.
Маны таһынан Nasa куйаары үөрэтэр хампаанньата, ахсынньы ый 5 күнүгэр, Маарыс үрдүнэн дьон-аймах устуоруйатыгар аан маҥнайгынан дрон-бөртүлүөтү көтүппүтүн туһунан иһитиннэрэр. Бу бөртүлүөт кыһыл быланьыата үрдүнэн уопсайа 30 мүнүүтэ тайа сырыпыт
Аппараат сиртэн 12 миэтэрэ өндөйөн, сөкүүндэҕэ 2,5 миэтэрэ түргэннээхтик көпүтүн туһунан анал сурунаалларыгар бэлиэтэммиттэр.
Маарыс быланьыата биһиги сирбититтэн күн эргиирин учуоттаан, муҥутаан чугаһаабыт кээмэйинэн 55,76 мөл.км тэҥнэһэр. Онтон адьас тэйбит туругар, 401 мөл.км буолар эбит.
Бүгүҥҥү күҥҥэ Кыһыл быланьыатаҕа уу (муус) уонна кини киэҥ куйаардарыгар, сис хайаларыгар быыллаах буурҕалар бааллара биллэр. Учуонайдар, бу быланьыатаҕа киһи-аймах олохсуйуон сөптөөх диэн сабаҕалыыллар.
-
0
-
0
-
0
-
0
-
0
-
0
